Banqladeşin Fransadakı Səfirliyinin və UNESCO-nun Katibliyinin birgə təşkilatçılığı ilə Beynəlxalq Ana Dili Günü münasibətilə tədbir-sərgi keçirilib.
Kulis.az xəbər verir ki, Azərbaycanın UNESCO yanında Daimi Nümayəndəliyinin təşkil etdiyi guşə maraqla qarşılanıb. Guşədə Azərbaycan dilində müxtəlifrəngli kitablar, açıqcalar, milli suvenirlər nümayiş olunub.
UNESCO baş direktorunun təhsil üzrə müavini Stefania Ciannini, UNESCO-nun İcraiyyə Şurasının, Baş Konfransının sədrləri Azərbaycan stendinə də baxıblar.
Tədbirdə XIX əsr Azərbaycan ədəbiyyatının görkəmli nümayəndəsi, Qarabağ xanının qızı Xurşidbanu Natəvanın qəzəlləri səsləndirilib.
UNESCO-da Beynəlxalq Ana Dili Günü konsert proqramı ilə davam edib.
Qeyd edək ki, tədbirdə Azərbaycan da daxil olmaqla 20-yə yaxın ölkə iştirak edib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər