Məşhur amerikalı müğənni Teylor Sviftin “The Eras Tour Book” kitabı ilk iki gündə 814 min nüsxə satılıb.

Kulis.az xəbər verir ki, Sviftin qeyri-bədii janrında olan kitabını reytinqdə yeganə üstələyən keçmiş ABŞ prezidenti Barak Obamanın 2020-ci ildə işıq üzü görən “Vəd edilmiş torpaq” adlı prezidentlik memuarının birinci cildidir.

Bu kitab 816 min nüsxədən bir qədər çox sataraq "Eras Tour"dan bir qədər irəlidə olub.

• Azərbaycan teatr sənətində Molyer faktoru - Gülər Ədilzadə
• Televiziyalara işarət dili tələbi
• Labroides - Nahid Hacıyevin yeni hekayəsi

Eyni zamanda, Obamanın kitabı bütün pərakəndə satış mağazalarında olduğu kimi həftə ərzində də satılıb, Sviftin kitabı isə "Qara cümə" günü və yalnız "Target" mağazalarında satışa çıxarılıb.

Qeyd edək ki, sənətçinin "Eras" konsert turnesi 2023-cü ilin martında başlayıb və hələ də davam edir. Tur dekabrın 8-də Kanadanın Vankuver şəhərində başa çatacaq. Orada Svift 149-cu konsertini verəcək.

Xatırladaq ki, tur zamanı müğənni milyarder olub və ən zəngin musiqiçilər reytinqində Rihannanı keçib.

• Azərbaycan teatr sənətində Molyer faktoru - Gülər Ədilzadə
• Televiziyalara işarət dili tələbi
• Labroides - Nahid Hacıyevin yeni hekayəsi