“Sus” demək gəlmir dilimdən, ay qız - Məmməd Araz

“Sus” demək gəlmir dilimdən, ay qız - Məmməd Araz
6 noyabr 2023
# 13:00

Kulis.az Məmməd Arazın "Sevgi nəğməsi" şeirini təqdim edir.

Bir sevgi nəğməsi yaradım deyə,
Bu axşam bulanıb, duruluram mən.
Onu düşünərkən bilmirəm niyə
Başqa bir nəğməyə vuruluram mən.

Kiçik bir mahnını bəstələyincə
Xəyalın min eli dolansın gərək.
Sevən bir ürəyin səsini necə,
Necə dinləməsin sevən bir ürək…

Yenə dillənirsən qonşu otaqdan,
“Sus” demək gəlmir dilimdən, ay qız.
Dalmışam nəğmənə yenə bayaqdan,
Almısan nəğməmi əlimdən, ay qız.

Elə bil, deyir ki, qopan bir səda,
“Divar aramızda daşdan olsa da,
Gərək daş olmaya ürəklərimiz,
Bir varaq eləyək iki qəlbi biz”.

Susuram önündə o şeriyyətin,
Ürəyim dolsa da, ağ qalır kağız.
Qələmsiz, kağızsız ilk məhəbbətin
Yazır nəğməsini qəlbimə o qız.

# 2557 dəfə oxunub

Oxşar xəbərlər

Dardenn qardaşlar "Ömürboyu nailiyyət mükafatı"  ilə təltif olunacaq

Dardenn qardaşlar "Ömürboyu nailiyyət mükafatı" ilə təltif olunacaq

11:16 19 noyabr 2026
Məşhur rəssamın əsəri 15,1 milyon dollara satıldı

Məşhur rəssamın əsəri 15,1 milyon dollara satıldı

10:48 19 noyabr 2026
Cim Kerrinin yeni layihəsinin detalları açıqlandı

Cim Kerrinin yeni layihəsinin detalları açıqlandı

10:23 19 noyabr 2026
Ömrün Naxçıvan aşırımları - Xalq yazıçısı Mirzə İbrahimovun muxtar respublikada fəaliyyəti nədən ibarət idi?

Ömrün Naxçıvan aşırımları - Xalq yazıçısı Mirzə İbrahimovun muxtar respublikada fəaliyyəti nədən ibarət idi?

10:00 19 noyabr 2026
Marina Abramoviçin  80 illiyinə həsr olunan böyük sərgi Romada açıldı

Marina Abramoviçin 80 illiyinə həsr olunan böyük sərgi Romada açıldı

18:39 18 noyabr 2026
ADU-da  “Azərbaycan-Özbək dili əlaqələri: tarixi və müasir müstəvidə”  adlı tədbir keçirildi

ADU-da “Azərbaycan-Özbək dili əlaqələri: tarixi və müasir müstəvidə” adlı tədbir keçirildi

17:42 18 noyabr 2026
#
#
Ana səhifə Reels Yazarlar Xəbərlər