Səid Rüstəmovun xatirəsi anıldı

Səid Rüstəmovun xatirəsi anıldı
11 iyun 2024
# 16:05

Xalq artisti, Dövlət mükafatı laureatı, professor Səid Rüstəmovun vəfatının 41-ci ildönümündə Fəxri xiyabanda xatirəsi yad olunub, məzarı üzərinə tər çiçəklər düzülüb.

Kulis.az xəbər verir ki, anım mərasimində görkəmli sənətkarın adını daşıyan Beynəlxalq Muğam Mərkəzinin Səid Rüstəmov adına Xalq Çalğı Alətləri Orkestrinin kollektivi unudulmaz bəstəkarı dərin ehtiramla yad edib.

Orkestrin bədii rəhbəri və baş dirijoru Mustafa Aşurov çıxış edərək bəstəkarın Azərbaycan musiqisinin inkişafındakı xidmətlərindən söz açıb. Bildirib ki, Xalq Çalğı Alətləri Orkestri Müslüm Maqomayevin təklifi ilə Üzeyir Hacıbəyli tərəfindən 1931-ci ildə yaradılıb. Bununla nəinki Azərbaycanda, bütün Şərq aləmində professional notlu xalq çalğı alətləri orkestrinin əsası qoyulub. 1931-ci ildən Azərbaycan Xalq Çalğı Alətləri Orkestrinin konsertmeysteri, 1935–73-cü illərdə orkestrin baş dirijoru və bədii rəhbəri olmuş görkəmli bəstəkar Səid Rüstəmov bu orkestr üçün bir sıra əsərlər yazmışdır. Hazırda bəstəkarın adını daşıyan kollektiv hər zaman xatirəsini əziz tutaraq onun qoyduğu yolu uğurla davam etdirir.

Diqqətə çatdırılıb ki, bəstəkar yaradıcılıqla yanaşı, tar və dirijorluq ixtisası üzrə gənc musiqiçi kadrların hazırlanması işinə də xüsusi diqqət yetirib, musiqi məktəbləri üçün "Not savadı" dərsliyinin əsas tərtibçilərindən biri olub. Azərbaycan Dövlət Konservatoriyasında Xalq musiqisi kafedrasını yaradıb. Milli musiqi xəzinəmizə gözəl incilər bəxş edən bəstəkarın geniş yaradıcılıq fəaliyyətinə onun ictimai xadim kimi xidmətləri də daxildir. Dahi Üzeyir bəyin vəfatından sonra Azərbaycan Bəstəkarlar İttifaqının sədri vəzifəsi 1949-1953-cü illərdə məhz Səid Rüstəmova həvalə olunmuşdu.

Orkestrin üzvləri Əməkdar artist, tarzən Səbuhi Cəfərov, kamança ifaçısı Vidadi Paşayev bəstəkar haqqında xatirələrini bölüşüblər.

# 1146 dəfə oxunub

Oxşar xəbərlər

Mehriban Xanlarova işdən çıxarıldı

Mehriban Xanlarova işdən çıxarıldı

12:54 29 noyabr 2025
Rusiyada "Whatsapp"  bloklana bilər

Rusiyada "Whatsapp" bloklana bilər

11:40 29 noyabr 2025
Mənsum İbrahimov:  "O insanların işi boş dedi-qodudur"

Mənsum İbrahimov: "O insanların işi boş dedi-qodudur"

10:36 29 noyabr 2025
Dövlət Kamera Orkestrinə yeni dirijor təyin olundu

Dövlət Kamera Orkestrinə yeni dirijor təyin olundu

10:10 29 noyabr 2025
"80 yaşında Xalq artisti adı kimə lazımdır?!" - Dərdlərini özü ilə aparan aktrisa

"80 yaşında Xalq artisti adı kimə lazımdır?!" - Dərdlərini özü ilə aparan aktrisa

17:36 28 noyabr 2025
“Qış yumurtası”  rekord qiymətə hərraca çıxarılır

“Qış yumurtası” rekord qiymətə hərraca çıxarılır

17:02 28 noyabr 2025
Ana səhifə Yazarlar Bütün xəbərlər