Rəşad Məcid: "Yazıçılar ilahi varlıqlardır"

Media

Ana səhifə
Media

Rəşad Məcid: "Yazıçılar ilahi varlıqlardır"

11 noyabr 2023

16:44

"Kitab gücdür. Kitab oxuyan adamı əzmək, sındırmaq çətindir".

Bu sözləri Mətbuat Şurasının sədri, AYB-nin sədr müavini, “525-ci qəzet”in baş redaktoru, yazıçı, şair Rəşad Məcid Kulis-ə açıqlamasında deyib.

"Bu mənada indi Azərbaycanın da elə dövrüdür ki, hamımız möhkəm olmalıyıq.

Kitab sərgilərində tamam fərqli aura olur. Burada çox xoşbəxt oluram. Sevdiyim, gözəl, istedadlı insanların əhatəsində. Kitab almağa gələn oxucular da fərqli olur. Kitab sərgisinin aurası uzun müddət məni tərk etmir. Çox arzulayıram ki, digər insanlarda da belə olsun

Kitab oxuyan, kitab yazan insanlar ilahi varlıqlardır. İlahi varlıqlarla təmasda olmaq, dəyərli fikir adamları ilə həmsöhbət olmaq çox maraqlıdır. Bayaqdan Seyran Səxavət, Fazil Mustafa, Sabir Rüstəmxanlı, Elçin Əzimli, Solmaz Amanova və müxtəlif yazıçıların tədbirlərində iştirak edirəm".

Rəşad Məcid qeyd edib ki, yazıçıların fikirləri sərgidə maraqla qarşılanır.

"Bu gün professor Vilayət Quliyevlə Elmira Axundovanın Ümumilli liderə həsr olunmuş kitabının təqdimatı keçirildi. Çox dəyərli kitabdır.

Hamını bu sərgidə iştirak etməyə çalışıram. Əminəm ki, Ümumilli lider Heydər Əliyevin 100 illiyinə həsr olunan kitab sərgisi uzun illər yaddaşlarda qalacaq...".