Bəzi yazıçılar mətnlərindən əlavə, qeyri-adi, müəmmalı ölümləri ilə də xatırlanırlar.

Kulis.az qeyri-adi ölümü ilə seçilən yazıçıların bir neçəsini təqdim edir.

Edqar Allan Po (1809–1849)

Ponun ölümü indiyə qədər sirr olaraq qalır. O, Baltimor küçələrindən birində huşsuz tapılıb və bir neçə gün sonra ölüb. Ölüm səbəbi bəzi mənbələrdə alkoqol zəhərlənməsi, beyin iltihabı, bəzi mənbələrdə isə cinayət əməli göstərilib.

Qeyd edək ki, o tapılanda əynində başqasının paltarı varmış. Şübhəli suallar bu günəcən cavbsız qalıb.

Franz Kafka (1883–1924)

Kafka vərəm xəstəliyindən ölüb, lakin ölümünü qeyri-adi edən onun aclıq çəkməsi idi. Boğazındakı ağrılar səbəbindən yemək yeyə bilmirmiş.

Bir növ, o, əsərlərindəki obrazların taleyini yaşayıb.

Oskar Vayld (1854–1900)

Vayld Parisdə yoxsulluq içində öldü. Ölüm səbəbi meningit göstərilsə də, bəzi mənbələrə görə o, divar kağızlarından zəhərlənib.

Belə ki, Vayld ölümündən əvvəl zarafatla demişdi: "Ya bu divar kağızı gedəcək, ya da mən!".

Tinnis Vilyams (1911–1983)

Amerikalı dramaturq Vilyams şüşə dərman qabının qapağını udub və boğularaq ölüb.

Şervud Anderson (1876–1941)

Anderson kokteyl içdiyi vaxt təsadüfən diş çubuğunu udur. Beləcə, onun qan dövranı pozulur.

Demək olar ki, onun ölümü öz hekayələrindəki absurd hadisələrə bənzəyir.

Mark Tven (1835–1910)

Tven ömrü boyu Halley kometası ilə maraqlanmışdı. Qəribədir ki, o, məhz kometanın dünyaya yaxınlaşdığı il doğulub və kometanın növbəti yaxınlaşdığı il də vəfat edib.

Tven özü də bunu təxmin edibmiş: "Halley kometası ilə birlikdə dünyaya gəldim və onunla da gedəcəyəm".

Albert Kamyu (1913–1960)

Kamyu maşın qəzasında ölüb. Ancaq maraqlıdır ki, onun cibindən Parisə qatar bileti tapılıb. O, məhz təhlükəsizlik məqsədiylə qatarla getmək istəyirmiş...

İsadora Dunkan (1877–1927) (Dramaturq və rəqqasə)

Dunkan avtomobilə minmək istəyirmiş, ancaq onun uzun şərfi maşının təkərinə ilişib və dramaturq boğulub ölüb.

Yukio Mişima (1925–1970)

Mişima Yaponiyanın ən məşhur yazıçılarından biri idi. O, harakiri (qılıncla intihar ritualı) edərək həyatına son qoyub.

Virginia Vulf (1882–1941)

Vulf uzunsürən depressiyadan sonra ciblərinə daş doldurub və özünü çaya atıb.

• “Ulduz müharibələri”ndəki başlıq rekord qiymətə satıldı
• "Anar Məmmədxanov mənə “Moruq” deyirdi" - “Bacanaqlar”ın “Qismət”i ilə müsahibə
• “Gülüstan” tamaşasının məşqlərinə başlanıldı