Rusiyalı şoumen Maksim Qalkin Nyu-Yorkda Ukrayna Muzeyində olub.

Kulis.az xəbər verir ki, bu barədə şoumen sosial media hesabında paylaşım edib.

"Ukrayna modernizminin kiçik, lakin çox maraqlı sərgisi: David Burlyuk, Vladimir Burlyuk, Mariya Sinyakova, Aleksandr Boqomazov və başqaları" deyə, paylaşımda yazılıb.

Şərhlərdə izləyicilər Qalkinə “Ukrayna xalqını dəstəklədiyi üçün” təşəkkür ediblər.

Qeyd edək ki, Qalkin oktyabrın 26-da Nyu-Yorkda konsert verib. Komediya ustası hazırda ABŞ və Kanada şəhərlərində qastrol səfərindədir. Noyabrın 2-də Bostonda, ertəsi gün isə Çikaqoda çıxışı olacaq. Tura Kanadanın Monreal şəhərində noyabrın 24-nə planlaşdırılan konsertlə yekun vurulacaq.

Onu da qeyd edək ki, Qalkin həyat yoldaşı, Rusiyanın Xalq artisti Alla Puqaçova və övladları ilə birgə Ukraynada hərbi əməliyyatlar başlayandan sonra Rusiyanı tərk edərək İsrailə köçüb. Bir müddət əvvəl onların İsraildən Kiprə köçdüyü ortaya çıxıb. Alla yenidən Rusiyaya qayıtsa da, cütlüyün Londonda məskunlaşmağa hazırlaşdığı iddia edilib. Lakin sonra onlar yenidən İsrailə qayıdıblar. Son olaraq onların Yurmalaya gedəcəkləri deyilib.

Qalkin 2022-ci ilin sentyabrında ölkənin Ədliyyə Nazirliyi tərəfindən "xarici agent"lərin reyestrinə daxil edilib.

• Atasını ermənilər öldürdü, oğlu onu illərlə aldatdı – Güləndə ürəyi partlayan Xalq artistimiz
• "Redaktə problemləri adamı girinc edir, oxuyanda köhnəlik hiss edirsən" - Hekayə müzakirəsi
• Nikol Kidmanın ən böyük qorxusu