Peruda 4000 illik antik şəhər aşkarlandı

Peruda  4000 illik  antik şəhər  aşkarlandı
12 iyul 2025
# 15:30

Peruda aparılan arxeoloji qazıntılar nəticəsində təxminən 4000 il yaşı olan antik şəhər – Peniko aşkarlanıb.

Kulis.az xəbər verir ki, Karal mədəniyyətinə aid olan bu şəhər ölkənin paytaxtı Limadan 200 kilometr şimalda, Supe və Uauara vadiləri arasında yerləşir.

Mütəxəssislər şəhəri strateji mövqeyi və ictimai binalar, yaşayış evləri, mərasim məkanları ilə zənginliyi baxımından "sosial inteqrasiya şəhəri" kimi dəyərləndirirlər.

Karal mədəniyyəti eramızdan əvvəl 3000–1800-cü illəri əhatə etsə də, Peniko şəhəri daha sonra – eramızdan əvvəl 1800–1500-cü illərdə inkişaf edib. Buradakı tapıntılar Karal icmasının dövrün digər xalqları ilə sıx əlaqədə olduğunu göstərir.

Qazıntılar zamanı 18 tikili üzə çıxarılıb, onların arasında mərasim salonu xüsusi əhəmiyyət daşıyır. Bu binanın divarlarında “pututus” – böyük dəniz ilbizində hazırlanmış nəfəsli çalğı alətlərinin təsvirləri olan dekorativ elementlər müəyyən edilib. Arxeoloqlar bu tapıntını şimal Perunun digər Kolumböncəsi mədəniyyətləri ilə əlaqənin sübutu hesab edirlər.

Peniko şəhəri 600 metr yüksəklikdə, Supe çayı yaxınlığında yerləşir və 1000 metrlik təpələrlə əhatələnib.

Qeyd edək ki, yeni antik şəhər hazırda ictimaiyyətin ziyarətinə açıqdır.

# 471 dəfə oxunub

Oxşar xəbərlər

Məmmədəli Ağayev Rusiyada saxlanıldı

Məmmədəli Ağayev Rusiyada saxlanıldı

13:47 29 avqust 2025
Türkiyənin üçüncü ən böyük odeonu tapıldı

Türkiyənin üçüncü ən böyük odeonu tapıldı

13:00 29 avqust 2025
Benksinin "Piranalar" əsəri London Muzeyində

Benksinin "Piranalar" əsəri London Muzeyində

12:40 29 avqust 2025
Bodrumda “Yüzlər və Yüzsüzlər” sərgisi açıldı

Bodrumda “Yüzlər və Yüzsüzlər” sərgisi açıldı

12:20 29 avqust 2025
Culiya Roberts "BBC"də debüt edəcək

Culiya Roberts "BBC"də debüt edəcək

11:50 29 avqust 2025
Məşhur musiqiçi vəfat etdi

Məşhur musiqiçi vəfat etdi

11:30 29 avqust 2025
#
#
Ana səhifə Yazarlar Bütün xəbərlər