“MTV”nin yayımı 8 saatlıq dayandırılacaq

“MTV”nin yayımı 8 saatlıq dayandırılacaq
22 fevral 2024
# 18:00

Azərbaycan Respublikası Audiovizual Şurasının iclası keçirilib.

Kulis.az xəbər verir ki, şuradan APA-ya verilən məlumata görə, iclasda son günlər geniş müzakirə olunan, yeniyetmə qızların bir-birinə təhqiredici davranışlarını əks etdirən videogörüntülərin televiziya efirlərində nümayişi ilə bağlı vəziyyət müzakirə olunub.

Bu xüsusda, 20 fevral 2024-cü il tarixdə "MTV" televiziya kanalının efirində 12.00–15.00 arası yayımlanan "Tarixin bir günü" proqramında həmin mövzunun işıqlandırılması zamanı "Media haqqında" Azərbaycan Respublikasının Qanunun 14.1.4-cü (irqi, dini, mənşə, cinsi, etnik və digər ayrı-seçkilik təbliğ olunmamalıdır, habelə etnik, irqi və ya dini düşmənçiliyin salınmasına açıq çağırışlar edilməməlidir); 14.1.9-cu (böhtana, təhqirə və nifrət çıxışlarına yol verilməməlidir) və 15.1.5-ci (yetkinlik yaşına çatmayan şübhəli, təqsirləndirilən və ya zərər çəkmiş şəxslərin şəxsiyyəti barədə hər hansı məlumatların həmin şəxslərin və onların qanuni nümayəndələrinin razılığı olmadan yayılmasına media subyekti və jurnalist tərəfindən yol verilmir) maddələrinin tələblərinin pozulması faktları müzakirə edilib.

Sözügüdən proqramın yayımı zamanı yeniyetmə qızlardan birinin digərinə qarşı nalayiq və təhqiredici hərəkətlərini həmin qızın doğulduğu məkanla əlaqələndirilməsi və bununla da həmin yaşayış məntəqəsində məskunlaşanlara ayrıseçkilik təbliğ olunaraq onların təhqir olunması, habelə həmin nalayiq hərəkətləri edən yeniyetmə qızın üzünün açıq göstərilməsi halları qanunvericiliyin tələblərinin birbaşa pozuntusu kimi qiymətləndirilib.

Audiovizual Şura üzvlərinin yekdil fikri ilə bu pozuntulara yol vermiş "MTV" televiziya kanalının efirinin müvəqqəti (27 fevral 2024-cü il tarixdə, saat 09.00-dan 17.00-dək 8 saat müddətinə) dayandırılması haqqında qərar qəbul olunub.

# 926 dəfə oxunub

Oxşar xəbərlər

Çən güclüdür, yoxsa Qurğuşun? - Rahid Ulusel

Çən güclüdür, yoxsa Qurğuşun? - Rahid Ulusel

15:00 22 mart 2025
Novruz bayramı filmlərimizə necə salındı? - Tarixçə

Novruz bayramı filmlərimizə necə salındı? - Tarixçə

11:30 22 mart 2025
Firəngiz Əlizadə:  "Rüşvət almıram, rüşvət vermirəm, məni nədə ittiham edirlər?!" - Müsahibə

Firəngiz Əlizadə: "Rüşvət almıram, rüşvət vermirəm, məni nədə ittiham edirlər?!" - Müsahibə

10:15 22 mart 2025
"Hamı necə, biz də elə: çaxçux, dvijeniya..." - Yalçın İslamzadə

"Hamı necə, biz də elə: çaxçux, dvijeniya..." - Yalçın İslamzadə

13:12 21 mart 2025
Azərbaycanlılar heç vaxt müsəlman olmayıb - Ramazan hara, Novruz hara...

Azərbaycanlılar heç vaxt müsəlman olmayıb - Ramazan hara, Novruz hara...

10:00 21 mart 2025
Türklərin beş qədim yaz bayramı - Siyahı

Türklərin beş qədim yaz bayramı - Siyahı

15:00 20 mart 2025
#
#
# # #