Müstəqil M.Teatr - "Mənim Teatrım" ölkəmizi Türkiyə Cumhuriyyətinin Konya şəhərində keçirilən “Min nəfəs, bir səs” Beynəlxalq Teatr Festivalında təmsil edib.
Teatrın mətbuat xidmətindən Kulis.az-a verilən məlumata görə, 21 may tarixində teatrın yaradıcı heyəti Ştefan Svayqın “Yad qadının məktubu” tamaşası ilə “Konya Tantavi Kültür ve Sanat Merkezi”nin səhnəsində Türkiyə tamaşaçıları və xarici ölkələrdən qatılan sənətçilər qarşısında çıxış edib.
Tamaşadan sonra Türkiyə Cümhuriyyəti Dövlət Teatrlarının baş direktoru Tamer Karadağlı tərəfindən "Teatrın festivaldakı iştirakına görə" fəxri mükafatı ilə təltif olunub.
Qeyd edək ki, məhşur avstriya yazıçısı Ş.Svayqın “Yad qadının məktubu” novellası əsasında hazırlanmış eyniadlı tamaşanın quruluşçu rejissoru Xalq Artisti Vidadi Həsənov, bəstəkarı Röya Hüseynova, rəssamı Ülkər Əliyevadır.
Rəğbətlə qarşılanan tamaşada rolları Vidadi Həsənov (Hakim), Oksana Rəsulova (Qadın) və Ziya Ağa (Yazıçı) ifa ediblər.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər