“Dostlar” serialındakı Çandler Binq obrazı ilə məşhurlaşan Metyu Perrinin ölüm xəbəri ilə bağlı şübhələr qısa müddətdə bütün dünyaya yayılıb.

Kulis.az xəbər verir ki, 2023-cü ilin oktyabrın 28-də Malibudakı evində cakuzidə ölü tapılan 54 yaşlı Perri ketaminin kəskin təsiri səbəbindən dünyasını dəyişib.

Qanında ketamin olan aktyorun daha sonra cakuzidə boğularaq öldüyü bildirilib.

• AKİ Oskar qazanmış filmin təqdimatını keçirib
• Molla onun əlyazmalarını niyə oğurlamışdı? - Ədəbiyyatımızın kədərli dəqiqələri
• APA TV-nin 12 yaşı tamam olur

Los-Anceles polisi aktyorun ölümü ilə bağlı araşdırmalara başlayıb və hadisə ilə əlaqəsi olduğu güman edilən 5 nəfər, o cümlədən iki həkim və aktyorun şəxsi köməkçisi saxlanılıb.

Perrinin ölümünə görə məsuliyyət daşıdığı düşünülən iki həkimdən biri olan Mark Çaves rəsmi olaraq günahını etiraf edib. Çərşənbə günü, oktyabrın 2-də məhkəmədə Çaves ketamin tədarükü ittihamı ilə özünü təqsirli bilib.

50 min dollar girov müqabilində azadlığa çıxan Çavesi 10 ilə qədər həbs gözləyir.

• AKİ Oskar qazanmış filmin təqdimatını keçirib
• Molla onun əlyazmalarını niyə oğurlamışdı? - Ədəbiyyatımızın kədərli dəqiqələri
• APA TV-nin 12 yaşı tamam olur