F.Köçərli adına Respublika Uşaq Kitabxanasında 1 saylı Uşaq Evi Sosial Xidmət müəssisəsinin şagirdlərinin iştirakı ilə “20 Noyabr – Ümumdünya Uşaq Hüquqları Günü” nə həsr olunmuş “Mənim hüquqlarım” adlı tədbir keçirilib.

Kulis.az xəbər verir ki, kitabxananın direktoru tədbiri açıq elan edib və “Ümumdünya Uşaq Hüquqları” haqqında geniş məlumat verib.

Uşaqların müdafiəsi ölkəmizdə daim diqqət mərkəzindədir. Uşaqların inkişafı və hüquqlarının qorunmasında, vətənpərvərlik, milli-mənəvi dəyərlərimizə hörmət ruhunda tərbiyə olunmasında, layiqli vətəndaş kimi formalaşmasında cəmiyyətin hər bir üzvü məsuliyyət daşıyır. Ölkəmizdə “Uşaq hüquqları haqqında” Qanun qəbul edilmiş və ölkədə uşaq hüquqlarının təmini məqsədilə müxtəlif istiqamətlərdə davamlı olaraq zəruri tədbirlər həyata keçirilməkdədir.

Tədbirin davamında kitabxananın əməkdaşı uşaqlara mövzu ilə bağlı prezentasiya təqdim edib. Təqdimat zamanı şagirdlərə uşaq hüquqlarının yaranma tarixi, milli və beynəlxalq qanunvericilik, dövlət tərəfindən uşaq hüquqlarının müdafiəsi sahəsində görülən işlər barədə ətraflı məlumat verilib. Sonra isə məktəblilərlə interaktiv sual-cavab sessiyası keçirilib, şagirdlər hüquq və vəzifələri haqqında fikirlərini bildiriblər.

Tədbirin məqsədi uşaq hüquqlarının səmərəli müdafiəsi və təbliğinə nail olmaq, uşaqların öz hüquqları ilə bağlı məlumatlılığının artırılmasıdır.

Uşaqların maariflənməsi sağlam cəmiyyətin təməlini inşa etməkdir.

Sonda məktəblilər kitabxana ilə tanış olub və onlara “Göy qurşağı“ uşaq jurnalı hədiyyə olunub.

• Məşhur rejissor yeni layihə ilə ekranlara qayıdır
• "Yalnız axmaqlar qəti və arxayın olurlar..." - Mişel de Montenin sitatları
• Səbr və ümidin rəngli abidəsi - Tahir Salahovun "Abşeron qadınları"