“Məhşər Divanı: Yalanın 17 anı” kitabının təqdimatı oldu

“Məhşər Divanı: Yalanın 17 anı” kitabının təqdimatı oldu
25 aprel 2024
# 14:30

Maqsud İbrahimbəyov Yaradıcılıq Mərkəzində fəlsəfə üzrə fəlsəfə doktoru Adəm İsmayıl Bakuvinin qələmə aldığı “Məhşər Divanı: Yalanın 17 anı” sənədli romanın təqdimatı keçirilib.

Kulis.az xəbər verir ki, Azərbaycan Yazıçılar Birliyinin katibi, şair-publisist Səlim Babullaoğlu çıxış edərək kitabın bugünkü ədəbi proses üçün çox yüksək bir uğur olduğunu qeyd edib. Bildirib ki, bu kitab ölkəmizdə və xaricdə böyük tirajla nəşr olunmalı, tədris müəssisələrinı paylanılmalıdır.

Sonra rejissor Bəhram Osmanovun quruluşunda, kitabın mahiyyətinə uyğun monoloq-tamaşa nümayiş olunub.

Kulturoloq alim, professor Fuad Məmmədov kitabın kulturoloji baxımdan çox yüksək əhəmiyyətə malik olduğunu söyləyib.

Tədbirdə Milli Məclisin deputatı Ceyhun Məmmədov, tənqidçi, ədəbiyyatşünas Əsəd Cahangir, “Ədəbiyyat” qəzetinin baş redaktoru Azər Turan və digərləri çıxış edərək kitabın yüksək, orijinal bədii keyfiyyətindən söz açıblar. Bildiriblər ki, vacib, əhəmiyyətli olan bu kitab çox yüksək bir yazıçılıq səriştəsi ilə qələmə alınıb.

Kitabın müəllifi Adəm İsmayıl Bakuvi bildirib ki, ermənilər ümumiyyətlə, dünya tarixində ən çox terror hadisələri törədən təşkilatların rəhbərləridirlər. Qeyd edib ki, kitab yalançı erməni tarixini öz xalqına ötürmək istəyən 17 ermənidən bəhs edir, O həmçinin kitabın artıq 4 dilə tərcümə olunduğunu diqqətə çatdırıb.

Kitabın rəyçiləri akademiklər Nizami Cəfərov, Yaqub Mahmudov, Xalq yazıçısı Çingiz Abdullayev, siyasi elmlər üzrə fəlsəfə doktoru, professor Qafar Çaxmaqlıdır. Sənədli romanın beynəlxalq rəyçiləri isə ICESCO-nun sabiq baş direktoru, professor Əbdüləziz bin Osman əl-Tüveycri, tarixçi, professor Kamal Çiçək və Vadim Viktoroviç Mixaylovdur.

445 səhifəlik sənədli romanda eyni millətin nümayəndəsi olan 17 erməniyə “böyük divan” qurulur. Klassik məhkəmə formatına uyğun bir qaydada keçirilən “böyük divanda” Zori Balayandan tutmuş, Monte Melkonyana qədər, Qaregin Njdeyə qədər əlləri, qələmləri qana batmış ermənilər müxtəlif cinayətlərdə ittiham edilir. Baş meydanda insanların qarşısında onlara nədə ittiham olunduqları elan edilir. Zəruri hallarda müxtəlif millətlərdən olan ekspertlər, zərərçəkənlər dinlənilir. Müəllif obyektivliyi qoruyaraq ittiham edilənlərə də baş hakim tərəfindən söz verir. Romandakı hər fəslin sonunda hər ittiham olunan erməniyə “hökm oxunur”.

Qeyd edək ki, kitabın ilk təqdimatı 2022-ci ildə Bakı Kitab Mərkəzində olub.

# 2642 dəfə oxunub

Oxşar xəbərlər

“The Comeback King”  filminin treyleri yayımlandı

“The Comeback King” filminin treyleri yayımlandı

18:51 19 noyabr 2026
Xulio İqlesias  barəsində araşdırma başladı

Xulio İqlesias barəsində araşdırma başladı

17:48 19 noyabr 2026
“Glastonbury-2027”nin əsas ifaçıları məlum oldu

“Glastonbury-2027”nin əsas ifaçıları məlum oldu

17:12 19 noyabr 2026
Məşhur yazıçı vəfat etdi

Məşhur yazıçı vəfat etdi

16:47 19 noyabr 2026
Elton Con süni intellektə qarşı sənətçiləri müdafiə etdi: “Yaradıcılığımızı əlimizdən almayın”

Elton Con süni intellektə qarşı sənətçiləri müdafiə etdi: “Yaradıcılığımızı əlimizdən almayın”

16:21 19 noyabr 2026
“İvan İliçin ölümü” tamaşasının premyerası keçirildi

“İvan İliçin ölümü” tamaşasının premyerası keçirildi

15:55 19 noyabr 2026
Ana səhifə Reels Yazarlar Xəbərlər