Azərbaycan Milli Konservatoriyasında “Bəhram Nəsibov yaradıcılığının təbliği” İctimai Birliyinin Qeyri Hökumət Təşkilatlarına Dövlət Dəstəyi Agentliyinin maliyyə dəstəyi ilə icra etdiyi “Mədəniyyət paytaxtı” film-konsert layihəsinin təqdimat mərasimi keçirilib.

Kulis.az xəbər verir ki, tədbirdə çıxış edən layihənin rəhbəri Adil Nəsibov qonaqlara layihə barədə ətraflı məlumat verib. Bildirib ki, layihə 2024-cü il üçün “İslam dünyasının mədəniyyət paytaxtı” elan edilmiş Şuşa şəhərində və ümumilikdə ölkədə bu il ərzində təşkil ediləcək silsilə tədbirlərə töhfə vermək məqsədilə icra olunur.

Bəstəkar Bəhram Nəsibovun bəstələdiyi “Vətən bağı” (Sözləri: Ağabəyim ağa Cavanşir), “Cıdır düzü” (Sözləri: Rəfiq Zəka), “İslam dünyası” (Sözləri: Nəcməddin Mürvətov), “Şuşa qalası” (Sözləri Sabir Əliyev) mahnıları ilk dəfə film-konsertdə müğənni-bəstəkar Elnur Nuri tərəfindən səsləndirilib. Film-konsertdə mahnılar, müsahiblər, kadrarxası mətnlərin, interküylərin harmoniyasında tamaşaçıya çatdırılıb.

Qeyd edək ki, film-konsertin yaradıcı heyəti- layihənin rəhbəri, ssenari müəllifi, montaj Adil Nəsibov, rejissor Cəsarət Hüseynzadə, operator Elmir Mirzəzadə, məsləhətçi Abbasqulu Nəcəfzadə, prodüser Vüsal Əhmədov, redaktor Şəbnəm Tofiqqızıdır.

• İki "Don Kixot", yaxud müəllifin oxucusu və mətnin oxucusu - Kamal Abdulla
• Real hadisələr əsasında çəkilmiş filmlər: Müharibə, xəstəlik və ayrılıq
• "Mona Liza"nın xüsusi otağı olacaq