ABŞ-nin Klivlend İncəsənət Muzeyinin kolleksiyasında olan "Mark Avreli" heykəli uzun müddət davam edən elmi və hüquqi araşdırmalardan sonra Türkiyəyə qaytarılır.
Kulis.az-ın məlumatına görə, antik dövrün ən nadir tunc əsərlərindən sayılan bu heykəldə Roma imperatoru Mark Avreli filosof kimi təsvir olunub.
1960-cı illərdə Burdurun Bubon antik şəhərində aparılan qanunsuz qazıntılar zamanı ölkədən qaçaqmalçılıq yolu ilə çıxarılan heykəl eramızın II-III əsrlərinə aiddir.
Qədim Bubon şəhərindən oğurlanan əsərlər Jalə İnanın rəhbərlik etdiyi araşdırmalarla gündəmə gətirilsə də, "Mark Avreli" heykəlinin Türkiyəyə qaytarılması bu günə qədər mümkün olmayıb.
Türkiyə Cümhuriyyəti Mədəniyyət və Turizm Nazirliyinin uzun illər apardığı araşdırmalar və əvvəlki illərdə toplanmış elmi məlumatlar sübut edib ki, heykəl Bubon şəhərindəki Sebasteion strukturuna aiddir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər