İtaliyalı memar Nikola Salvi tərəfindən 18-ci əsrdə inşa edilən və o vaxtdan bəri Romanın ən turistik yerlərindən biri olan dünyaca məşhur Trevi Fəvvarəsi iqlim fəallarının qəzəbinə tuş gəlib.
Kulis.az xəbər verir ki, İtaliya mətbuatında yer alan xəbərlərə görə, bazar günü səhər saatlarında bir qrup iqlim fəalı tarixi fəvvarənin hovuzuna girərək, ora qara kömür əsaslı maye töküb və “Biz kömür istəmirik” yazılmış pankart açıblar. Nümayişçilər “Ölkəmiz kömürdən məhv olur” şüarını səsləndiriblər.
“Sevgi çeşməsi” kimi tanınan fəvvarəni ziyarət etməyə gələn turistlər də təhlükəsizlik qüvvələrinə nümayişçiləri hovuzdan çıxarmaq üçün kömək ediblər. Aksiyadan sonra fəvvarənin hovuzunda təmizlik işlərinə başlanılıb.
Qeyd edək ki, bir neçə həftə əvvəl iqlim fəalları Romadakı tarixi Dörd Çay Fəvvarəsinə, apreldə isə İspan pilləkənlərinin qarşısındakı 17-ci əsrə aid Barcaccia fəvvarəsinə qara kömür əsaslı maye tökərək etiraz ediblər.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər