Azərbaycan Dövlət Rəqs Ansamblı Rusiyanın Çelyabinsk şəhərində keçirilən “Sineqorye” XIV Beynəlxalq Milli Mədəniyyətlər Festivalında uğurla iştirak edib.

Kulis.az xəbər verir ki, festival çərçivəsində Çelyabinskdə 7, bölgənin digər şəhərlərində 18 konsert, panel müzakirəsi və ustad dərsləri təşkil olunub.

Azərbaycan Dövlət Rəqs Ansamblı (bədii rəhbər: Xalq artisti Rüfət Xəlilzadə) festival günlərində vilayətin mərkəzi Çelyabinskdə, eləcə də regionun Miass və Satka şəhərlərində möhtəşəm konsert proqramları ilə çıxış edib.

• Məşhur musiqi qrupunun direktoru vəfat etdi
• Barat Vüsalın yeni kitabı çap olundu
• Mən qurd kimi gəmirərdim bürokratizmi - Günün şeiri

Kollektivin Çelyabinsk Operasının səhnəsindəki çıxışı xüsusilə yaddaqalan olub. Ansamblın ifasında “Sarı gəlin”, “Qazaxı”, “Şələqoy”, “Qaytağı”, “Dəflə rəqs” və digər milli rəqs nümunələrimiz böyük maraqla qarşılanıb, tamaşaçıların qəlbini fəth edib.

Ansamblın uğurlu çıxışına görə bədii rəhbər Xalq artisti Rüfət Xəlilzadəyə Çelyabinsk Vilayəti Mədəniyyət Nazirliyinin diplomu təqdim olunub.

• Məşhur musiqi qrupunun direktoru vəfat etdi
• Barat Vüsalın yeni kitabı çap olundu
• Mən qurd kimi gəmirərdim bürokratizmi - Günün şeiri