"Deyirlər, Şuşanı görüb gözlərin" - Günün şeiri

"Deyirlər, Şuşanı görüb gözlərin" - Günün şeiri
30 avqust 2023
# 14:00

Bu gün tanınmış şair və publisist Şahmar Əkbərzadənin anım günüdür.

Kulis.az bu münasibətlə "Günün şeiri" layihəsi çərçivəsində onun "Ay Kərim" şeirini təqdim edir.

Deyirlər, Şuşanı görüb gözlərin,
Əyil, gözlərindən öpüm, ay Kərim!
Ordan toz götürüb ayağın yəqin,
Qoy onu gözümə səpim, ay Kərim!

Xəbər ver o əsir “Mirzə Həsən”dən,
Nə deyir çatlayan o gorlar bizə?
Bir söz yolladımı Xocalı səndən,
Qeyrətdən dəm vuran qeyrətimizə?

Gözünə dəyəndə yetim Xanbağı
Gözündə ildırım çaxdımı, qardaş?
Topxana, Dovtələb, Bağrıqan dağı
Sənə qanlı-qanlı baxdımı, qardaş?

Baxdımı yamaclar, yollar üzünə,
Sallaq salladımı o dağlar sənə?
Baş çəkə bidinmi Cıdır düzünə,
İcazə verdimi yağılar sənə?

Qatdınmı ahını, yanıq naləni,
Şuşanın mehinə, küləklərinə?
Barı heç olmasa, Çanaqqalanı
Köçürə bildinmi bəbəklərinə?

Səndən göz kirəsi istəmirəm mən,
Əlac et, qaranlıq çökür gözümə.
Götür, gözlərimi çıxart yerindən,
Orda gördüyünü köçür gözümə.

Deyirlər, Şuşanı görüb gözlərin,
Əyil, gözlərindən öpüm, ay Kərim!
Ordan toz götürüb ayağın yəqin,
Qoy onu gözümə səpim, ay Kərim!

# 3110 dəfə oxunub

Oxşar xəbərlər

Ağdamda Qarabağ atlarının şousu keçirildi

Ağdamda Qarabağ atlarının şousu keçirildi

13:31 20 noyabr 2026
Özbəkistanda Şah İsmayıl Xətai adına Mərkəzin açılış mərasimi keçirildi

Özbəkistanda Şah İsmayıl Xətai adına Mərkəzin açılış mərasimi keçirildi

13:28 20 noyabr 2026
AMEA-nın strukturunda dəyişiklik edildi

AMEA-nın strukturunda dəyişiklik edildi

13:28 20 noyabr 2026
Roma papalarının istifadə etdiyi avtomobillər sərgidə nümayiş olunacaq

Roma papalarının istifadə etdiyi avtomobillər sərgidə nümayiş olunacaq

13:21 20 noyabr 2026
Həyatın montaj otağında qalan adam - "Tənhalıq həsrəti" haqqında

Həyatın montaj otağında qalan adam - "Tənhalıq həsrəti" haqqında

13:20 20 noyabr 2026
Tarix və mədəniyyət abidələrinin  əhəmiyyət dərəcələri üzrə bölgüsü dəyişdi

Tarix və mədəniyyət abidələrinin əhəmiyyət dərəcələri üzrə bölgüsü dəyişdi

13:17 20 noyabr 2026
#
#
Ana səhifə Reels Yazarlar Xəbərlər