Lənkəran Dövlət Dram Teatrında yeni səhnə əsərinin məşqlərinə başlanılıb.

Qeyd edək ki, müəllifi və quruluşçu rejissoru Emil Əskərov olan "Dəmir atlı qəhrəman - HƏZİ ASLANOV" adlı tamaşanın quruluşçu rəssamı:Tərlan Sadıqov, musiqi tərtibatı: Vüqar Fərəcov, rəssamı: Sevən Həsənli, rejissor köməkçisi: Miranda Qurbanovadır.

Tamaşada rolları: Saleh Əzimzadə (Həzi Aslanov), Buludxan Buludov (atası), Təranə Forəcova (anası), Zeynal Məmmədli (uşaqlığı), İmaməli Əskərov (oğlu), Aysel Babazadə (həyat yoldaşı), Elvin Məmmədov (əsgər), Teymur Hacızadə (əsgər), Cəfər Səlimov (əsgər) ifa edirlər.

Tamaşa xalqımızın qəhrəman oğlu, İkinci Dünya Müharibəsində böyük şücaət göstərmiş general-mayor Həzi Aslanovun həyat və döyüş yolunu səhnəyə daşıyır. Tamaşa qəhrəmanın uşaqlıq illərindən başlayaraq, onun hərbi təhsili, döyüş meydanlarında göstərdiyi rəşadət, vətənə olan sonsuz sevgisi və mərdliyi ilə dolu ömür yolunu əhatə edir. Səhnə əsərində Həzi Aslanovun insan kimi dəyərləri – dürüstlük, fədakarlıq, vətənpərvərlik və ədalətə olan inamı ön plana çəkilir.

Tamaşa həm də bir insanın tarixə necə qəhrəman kimi düşə biləcəyini, bir xalqın yaddaşında necə əbədi iz qoya biləcəyini dramatik dillə izah edir.

• Suqsvanq - Yeni sevgi hekayəsi
• Xalq yazıçısı Elçin: "Mən Mehriban Ələkbərzadəni tərifləmirəm, onu..." - Müsahibə
• Gənc rejissorlar üçün sənədli film təlimləri