Güneyli rejissor Cəfər Pənahi müvəqqəti olaraq azadlığa buraxılıb.
Kulis.az xəbər verir ki, Cəfər Pənahinin “məhkəmə sisteminin qeyri-insani davranışına” etiraz olaraq aclıq aksiyası keçirdiyini elan etməsindən bir neçə saat sonra Kann Film Festivalı İran hökumətindən güneyli rejissorun dərhal azadlığa buraxılmasını tələb edib.
Festivalın yaydığı bəyanatda bildirilib: “Festival bir daha Cəfər Pənahiyə tam dəstəyini bildirir və bir çox sənətçi və təşkilatlar kimi onun dərhal azad edilməsini tələb edir”.
Fevralın 3-ü axşam saatlarında isə beynəlxalq təzyiqlər nəticəsində Cəfər Pənahi girov qarşılığında müvəqqəti olaraq Evin zindanından sərbəst buraxılıb.
Qeyd edək ki, o, üç gün öncə məhkəmə və təhlükəsizlik orqanlarının qeyri-qanuni və qeyri-insani davranışına etiraz olaraq aclıq aksiyasına başlamışdı.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər