Beynəlxalq Muğam Mərkəzində xanəndə Rəvanə Qurbanova və tarzən Rövşən Qurbanovun “Qəlbimizin səsi” adlı konserti təşkil olunub.
Kulis.az xəbər verir ki, konsertdə tanınmış musiqi xadimləri, ifaçıların müəllimləri iştirak edib.
Muğam, xalq və bəstəkar mahnılarından ibarət konsert proqramında şən-şux nəğmələr, Rövşən Qurbanovun sənət dostları ilə birgə duet ifaları, tələbələrinin çıxışları yaddaqalan anlar bəxş edib.
Xalq artistləri Vamiq Məmmədəliyеv, Ramiz Quliyev, Mənsum İbrahimov çıxışlarında Rövşən Qurbanovun tarzən kimi fəaliyyətini yüksək dəyərləndirərək cütlüyü təbrik ediblər.
2007-ci ildə keçirilən Muğam Televiziya Müsabiqəsinin laureatı, eyni zamanda, Azərbaycan Dövlət Akademik Opera və Balet Teatrının solisti olan Rəvanə Qurbanovanın sənətdəki uğurlarından söz açan Mənsum İbrahimov ifaçıya sənət yolunda uğurlar arzulayıb.
Konsert proqramı ifaçıların rəngarəng çıxışları ilə yadda qalıb.
AZƏRTAC
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər