Kulis.az İlham Əzizin yeni yazısını təqdim edir.

Adam ölkədən kənara çıxanda, uzaqdan cəmiyyəti müşahidə edəndə, dəhşətli qənaətlərə gəlir.

Rusiya dünyanın ən yaxşı ölkələrindən sayılmır, hətta çətin və pis ölkələri siyahısındadır. Ancaq, Rusiyadan özümüzə nəzər salanda çox şeylərin düz getmədiyi su kimi aydın olur.

Ölkəmizdə insanlar çox qanıqara gəzir, əsəbidir, ümidsizdir.

Əhali həddən ziyadə siyasiləşib. Hamı siyasətlə məşğuldur. Gül kimi vaxtını Putinə, Baydenə, Makrona həsr edir. Hər yerdə siyasətdən danışırıq. Hamı bir-birinə neqativ yükləyir.

Bu da kütləvi psixoza gətirib çıxarır. Görün vəziyyət necədir ki, burda müxtəlif ölkələrdən insanlar istirahət edir, bir bizim adamların üzündən qaramat yağır. Allaha and olsun, yoxlasan, burdakı bütün adamlardan imkanlıdır. Rus qadınlara fikir verirəm, bir-iki çit paltardı, bir-iki sandal, nə makiyaj var, nə dırnaq…

İşi-gücü övladıyla danışmaq, ona hər şeyi başa salmaq, suallarını cavablamaq. Arada bu qadınların yerinə mən əsəbləşirəm, uşağın nə qədər sualı olar? Mən əsəbləşirəm ona görə ki, psixəm, bu adamlar normaldı.

Axşama qədər uşağı gəzdirirlər, tanış edirlər. Biz neynirik? Səsini kəs, danışma, səsin başıma düşür.

Tanış ifadələrdi, düzdü?

Azərbaycan insanı özünü çox yükləyib. Toy, yas, ev, cehiz, qızıl, paltar... saymaqla bitməz.

Guya bunların ölüsü ölmür? Toy etmirlər? Bizimki dəhşətdi, cəmiyyəti məhv edir. Burda adamların mütləq əksəriyyəti sadə yaşayır. Ömür bir dəfəlikdi. Başqasının pulunu sayıb özünə dərd eləmir. Varlını heç vecinə almır. Siz orta Azərbaycan ailəsindən toy, yas, aşırı paltar, kosmetika xərclərini çıxın, görün nə gözəl yaşayar.

Burda da orta aylıq əmək haqqı 800-900 manatdı. İçimizə qəzəb, paxıllıq, nifrət salanın Allah tifağını dağıtsın.

Mənə elə gəldi ki, biz xaricə gələndə bizi karantinə alıb, bu xasiyyətləri tərgitdirməlidirlər. Yoxsa, ətrafa bu qədər aqressiya səpmək olmaz.

İçimiz qaralıb, bu böyük bəladır. Azərbaycanlılar xaricdə onkoloji xəstəyə oxşayır. Hamını dərd basıb.

O gün rusdan soruşuram ki, siyasi vəziyyətiniz necədir?

Deyir, Yeltsin yaxşı adam deyil. Düz də edir. Nəyinə lazımdı? Adi fəhlədi. Biz Baydendən danışırıq, a kişi, Baydendən e….

Saytlar axşama kimi intihar, ölüm, dava…

Rusun hər gün minlərlə insan itkisi var müharibədə, baxın tv-lərinə, görün hiss olunur?

Biz müharibə də udduq, özü də, ən az itki ilə.

Amma yenə qaramat, yenə narahat…

• 80-ci illərin məşhur soul ulduzu vəfat etdi
• Dünya kinosunda sınmaz iradənin simvolu - Tim Robbinsin 5 məşhur rolu
• "İçimizdəki səfaləti başqalarına açmaq həddindən artıq qorxulu ehtimaldır..." - Harold Pinterin sitatları