Üzeyir Hacıbəyli adına Bakı Musiqi Akademiyası və Estoniya Musiqi və Teatr Akademiyasının məzunu, hazırda bəstəkar kimi fəaliyyətini kino və teatr sahəsində davam etdirən, beynəlxalq müsabiqələr laureatı Nigar Süleymanın İkinci Qarabağ müharibəsində şəhid olmuş Rəşad Babayevə həsr etdiyi “Simli kvartet” əsəri Polşada keçirilən beynəlxalq “WBM” müsabiqəsində birinci yerə layiq görülüb.

Kulis.az xəbər verir ki, müsabiqə qalibləri arasında Amerika, Yaponiya, Çindən olan bəstəkarlar da var.

Şəhidə ithaf edilən əsərdə qəhrəmanın ürək döyüntüləri, mübarizəsi və ölümü əks olunub.

Müəllif musiqi bəstələməyə 13 yaşından başlamışdır. Daha sonra Bülbül adına Orta İxtisas Musiqi Məktəbində Pikə Axundovanın sinfində ilk bəstəkarlıq təhsilini alıb. Eyni zamanda o, Kəmalə Şıxəliyeva, Nəzakət Heydərova, Ayaz Qəmbərli, Yulizana Kuxmazovanın da dərslərində iştirak edib. Məktəbdə oxuduğu illərdə fortepiano üçün pyeslər, violin və fortepiano üçün miniatürlər, simli orkestr üçün “Zülmətin rəqsi”, klarnet və fleyta üçün 7 miniatür və digər əsərlər yazıb.

Hələ məktəbdə oxuduğu illərdə Türkiyədə Caspiart, Rusiyada “Stars project” müsabiqələrində iştirak edib. Bakı Musiqi Akademiyasında oxuduğu illərdə Nizami Gəncəviyə həsr olunmuş Romans müsabiqəsinin diplomantı, Bakı Caz Festivalının qalibi (2-ci yer), “Bəstəkarlar üçün çağırış” müsabiqəsinin qaliblərindən biri olub.

2021-ci ildə Estoniya Musiqi və Teatr Akademiyasında Erasmus proqramı çərçivəsində Malle Maltis, Tammo Summera, Lisa Hirsch kimi bəstəkarlardan elektroakustik bəstəkarlıq dərsləri alıb.

• "Oasis" qrupunun 100 saatlıq səs arxivi hərraca çıxarılır
• "44" bədii filminin yeni tizeri yayımlandı
• Alban-Udi Dini İcmasının nümayəndələri Laçındakı Ağoğlan Monastırında