Mədəniyyət Nazirliyi yanında İctimai Şura Firidun bəy Köçərli adına Respublika Uşaq Kitabxanası ilə birgə “Azərbaycan uşaq ədəbiyyatı: uğurlar, qayğılar” mövzusunda ictimai müzakirə təşkil edib.

Kulis.az xəbər verir ki, tədbirdə kitabxana əməkdaşları, İctimai Şura üzvləri, sahə mütəxəssisləri iştirak ediblər.

Tədbir iştirakçıları əvvəlcə kitabxana ilə yaxından tanış olublar. Kitabxananın direktoru, Əməkdar mədəniyyət işçisi Şəhla Qənbərova qonaqlara kitabxananın yaranma tarixi, inkişafı, mövcud fondu, şöbələri barədə geniş məlumat verib, uşaqların oxu mədəniyyətinin artırılması və onların həyatında kitabın rolu haqqında fiklirlərini bölüşüb: “Əsas məqsədimiz kitab xəzinəmizi qorumaq, uşaqlara sevdirmək və gələcək nəsillərə bu irsimizi doğru-düzgün şəkildə ötürməkdir”.

Mədəniyyət Nazirliyi yanında İctimai Şuranın sədr müavini, Milli Məclisin Mədəniyyət Komitəsinin eksperti Əkbər Qoşalı müzakirə olunan mövzu ilə bağlı aparılan dövlət siyasəti, görülən işlər və mövcud problemlərdən danışıb. O, çıxışında çağdaş uşaq ədəbiyyatının janr problemlərindən söz açıb, qalib ölkənin uşaqları üçün ruhlandırıcı əsərlərin yazılması kimi məsələlərdən danışıb.

Qeyd edək ki, digər çıxışlarda çağdaş uşaq ədəbiyyatının qarşılaşdığı mövcud problemlərə toxunulub və onların həli yolları müzakirə edilib.

• Məsumluq və dəliliyin vəhdəti - Müasir yazıçılar sovet yazıçılarına uduzur?
• Burada da güllələyirlərmi gecə itləri?- Hikmət Orhunun yeni şeirləri
• "Dəli Kür"ün "Mələy"i: "Qızı olan ana ərə getməz" - Müsahibə