Azərbaycan Dövlət Mədəniyyət və İncəsənət Universiteti ilə İstanbul Nişantaşı Universiteti ortaq film festivalı keçirəcək.

Kulis.az xəbər verir ki, 03-12 may 2024-cü il tarixlərində İstanbul Nişantaşı Universitetinin təşkil etdiyi “Film heç bitməsin” kino festivalı keçiriləcək.

Beynəlxalq kino festivalına tammetrajlı, qısametrajlı və sənədli filmlər qəbul edilir. Festivalın əsas mövzusu “Is This The Real?” (Bu, realdırmı?) olacaq.

Beynəlxalq kino festivalına Azərbaycan, ABŞ, Almaniya, Argentina, Braziliya, Danimarka, Gürcüstan, Fransa, İtaliya, İspaniya, Böyük Britaniya, İran, İsrail, Livan, Meksika, Norveç, Polşa, Türkiyə, Yunanıstan və başqa ölkələrdən filmlər qəbul ediləcək. Festival çərçivəsində film nümayişləri ilə yanaşı, elmi-praktiki konfranslar və seminarlar da təşkil olunacaq.

İstanbul Nişantaşı Universiteti “Film heç bitməsin” film festivalı çərçivəsində fəxri qonaq ölkə Azərbaycandır. Azərbaycan kino tarixinin, çağdaş kino sənətinin və mədəniyyətinin qardaş ölkə kinosevərlərinə tanıdılması festivalın ən ümdə amallarındandır.

Festival çərçivəsində müxtəlif kateqoriyalar üzrə ən yaxşı filmlər seçiləcək, seminarlar və ustad dərsləri təşkil ediləcək.

“Film heç bitməsin” festivalına tammetrajlı, qısametrajlı (animasiya, ədəbi və eksperimental) və sənədli film kateqoriyasında yarışmaq üçün filmlərinizi göndərə bilərsiniz. Festivalın şərtlərini öyrənmək və filmlərinizi göndərmək üçün linkindən istifadə edin.

• Almaxanım: “Kimin toyu daha çoxdur, mənim ya filankəsin?”
• Leyla Şıxlinskaya: "Anar dedi ki, "Arşın mal alan"a sən çəkilsən, film batacaq"
• Keyt Middlton “qorxunc təcrübə”sindən danışdı