Gələn il İsveçrənin Bazel şəhərində keçiriləcək beynəlxalq "Avroviziya" mahnı müsabiqəsi yeni qaydalar əsasında keçiriləcək.

Kulis.az-ın məlumatına görə, buna səbəb son bir neçə ildə bəzi davranışlar səbəbindən qalmaqalların yaşanması olub. Təşkilatçılar akkreditasiya almaq üçün tələb olunacaq məcburi davranış kodekslərini elan ediblər.

Bundan əlavə, iştirakçıları daha yaxşı dəstəkləmək üçün əlavə tədbirlər görüləcəyi bildirilib.

Qeyd olunub ki, davranış kodeksinin imzalanması akkreditasiya üçün ilkin şərtdir. Yerli qanunlara məhəl qoymamaq və siyasi fikir bildirmək qadağandır. Siz həmçinin ünsiyyət qaydalarına və davranışınıza əməl etməlisiniz.

Medianın işində də dəyişikliklər olacaq. İştirakçılar üçün çəkilişlərin qadağan olunduğu pərdəarxası zonalar yaradılacaq. Orada kameralar və jurnalistlər olmayacaq. İştirakçılar daha çox qapalı məşq keçirəcəklər. Müğənnilərə istirahət üçün daha çox vaxt verilməsi nəzərdə tutulub.

Belə ki, sadalanan dəyişikliklər ilk dəfə tətbiq ediləcək.

Xatırladaq ki, bu il Niderlandı təmsil edən müğənni Joost Klein "Avroviziya" Mahnı Müsabiqəsindən uzaqlaşdırılıb. Buna səbəb onu lentə alan fotoqrafla mübahisə yaşaması olub. Həmçinin İsrail-Fələstin münaqişəsi fonunda şüarlar səsləndirilib.

Qeyd edək ki, müsabiqə İsveçrənin Bazel şəhərində keçiriləcək. Yarışmanın birinci və ikinci yarımfinalları 13-15 mayda, final isə 17 mayda planlaşdırılıb. Biletlər ilin sonunda satışa çıxarılacaq.

Bu il yarışmanın qalibi "The Code" mahnısı ilə İsveçrə təmsilçisi Nemo olub.

• "Mən onları gözübağlı da udaram..." - Aleksandr Alyoxindən şahmat oynamağı necə öyrəndim?
• Bəstəkarlıq təhsili almış ilk azərbaycanlı qadın - O, Üzeyir bəyin sinfinə necə qəbul olunmuşdu?
• "Xalq düşmənlərini" xilas edən prokurorun həbsindəki erməni izi - Ruhulla Axundovun ölümə yolladığı şuşalı bəy oğlu kimdir?