Xalq yazıçısı Anarın Türkiyədə yeni kitabı çap olunub.
Kulis.az xəbər verir ki, “KeTeBe” nəşriyyatında çap olunan kitabın tərcüməçisi İmdat Avşardır.
Kitaba yazıçının "Macal", "Dantenin yubileyi", "Otel otağı" povestləri, "Balaca Fuadın son xahişi", "Kəbirlinskinin son etirafı", "Mühəqqəq görüşürüz-mütləq görüşərik" hekayələri daxil edilib.
Kitabın sonunda belə bir yazı verilib:
"Bu kitab kəlmələrlə dünyanı yenidən inşa edən dil memarı Anarın əsərlərini bir yerə toplayır. Müəllif böyük qayğıları, kiçik sevincləriylə yaşayan insanı və həyatı anlatmaq üçün çıxdığı yolda adi insanların qeyri-adi sərgüzəştlərindən bəhs edir və insanlığın ortaq problemlərini həssaslıqla qələmə alır. Anar insanların yalnızlığını, varlığın mənasını araşdırır. Dağınıq dünyaları olan obrazları zaman, həqiqət və vicdan işığında qələmə alan yazıçı oxucuya həyatın mürəkkəbliyini göstərir.
Azərbaycan cəmiyyətinin 20-ci əsrdə yaşadığı böyük dəyişikliklərə ayna tutan, Sovet, xüsusiylə də Stalin dövrünün çətinliklərinə, aşkarlıq və yenidənqurma siyasətinə, Azərbaycan-Türkiyə münasibətlərinə həssaslıqla yanaşan Anar mühitin pərdəarxasını göstərərkən ara-sıra meydana çıxan əxlaqi aşınmanın, qeyb olan mənəvi dəyərlərin, insan ruhunun dolaşıq və qaranlıq tərəflərinin də mənzərəsini canlandırır".
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər