Fevralın 18-də Azərbaycanın görkəmli bəstəkarlarından biri, Xalq artisti, professor, Dövlət mükafatı laureatı, “Şöhrət” və “İstiqlal” ordenli Vasif Adıgözəlovun yaşadığı evin qarşısında barelyefinin açılışı olub.

Kulis.az xəbər verir ki, açılış mərasimində dövlət və hökumət üzvləri, tanınmış elm və mədəniyyət xadimləri iştirak ediblər.

Tədbirdə görkəmli bəstəkar, müğənni və ictimai xadim, Xalq artisti Polad Bülbüloğlu, akademik Rəfael Hüseynov, Xalq şairi Anar Rzayev və istefada olan polis general-mayoru Kamil Məmmədov çıxış edərək Vasif Adıgözəlovla bağlı xatirələrini bölüşüb, bəstəkarın keçdiyi sənət yolundan, bənzərsiz istedadı və təkrarsız üslubundan bəhs ediblər.

• Bir qara gözəlin mavi göz yaşı – Xəyal Rzanın şeirləri
• Bu kitabı oxumaq üçün 200 milyon il lazımdır
• "Ertəsi gün evimizi yoxlamaq üçün komissiya gəldi..." - Nazir qızının xatirələri

Sonda Xalq artisti Yalçın Adıgözəlov çıxış edərək dövlət başçısına atasının yaradıcılığına göstərdiyi diqqətə görə təşəkkürünü bildirib.

Sonra müəllifi heykəltəraş Aslan Rüstəmov olan barelyefin açılışını bildirən qırmızı lent kəsilib. /azertag/

• Bir qara gözəlin mavi göz yaşı – Xəyal Rzanın şeirləri
• Bu kitabı oxumaq üçün 200 milyon il lazımdır
• "Ertəsi gün evimizi yoxlamaq üçün komissiya gəldi..." - Nazir qızının xatirələri