İyunun 20-si saat 18-də Baku Book Center-də yazıçı Adil Quliyevin “Xüsusitəyinatlı” romanının təqdimatı və imza mərasimi keçiriləcək.

​​​​​​Kulis.az xəbər verir ki, “Qanun” Nəşrlər Evində işıq üzü görən roman ötən əsrin 90-cı illərində torpaqlarımızın işğalından tutmuş 2023-cü il sentyabrın 19-da keçirilən antiterror əməliyyatına qədər gərgin hadisələrlə dolu geniş tarixi dövrü əks etdirir.

Hadisələr yaşlı babasından başqa bütün yaxınlarını Xocalıda itirən Aslanın həyatı fonunda əks olunur.

Aslanın uşaqlığı, təhsili, xüsusi təyinatlı zabit kimi 44 günlük zəfərmüharibəsində iştirakı, eyni zamanda onun sevgi həyatı əsərin əsas mövzusunu təşkil edir.

Roman qələbə ilə nəticələnən Vətən müharibəsi haqqında yazılmış ilkirihəcmli əsərdir.

Kitab ilk dəfə rus dilində Rusiyanın Sankt-Perterburq şəhərində «Карабах:долгожданное возвращение» adı ilə çap olunub.

Romanın Azərbaycan dilinə tərcüməçisi Dürdanə İbrahimova-Hüseynbəyli, redaktoru Şərif Ağayardır.

Xatırladaq ki, müəllifi Adil Quliyev Sankt-Peterburqda yaşayır.

“Xüsusi təyinatlı” onun Bakıda çap olunan sayca üçüncü kitabıdır.

Bundan əvvəl “Neft, bulaq və keçə çəkmələr” və “Qırmızı ayaqqabılar” adlıhekayələr kitabı işıq üzü görüb.

Maraqlananlar təbirdə iştirak edə bilərlər.

Kitab bütün oxuculara hədiyyə olunacaq.

• “Nəriman Nərimanov - 155” adlı geniş kitab sərgisi açılıb
• Xalqsız xalq şairləri - Hüseyn Arif
• Gizli tapşırıq: “Boynuna qoyana qədər döyün!”