Kulis.az dünyada qadağan olunmuş 10 məşhur filmi təqdim edir.
“A Clockwork Orange” (1971, Böyük Britaniya) (“Qurulan portağal”)
Stenli Kubrikin bu filmi zorakılıq səhnələri və psixoloji təsiri səbəbindən uzun müddət Birləşmiş Krallıqda qadağan olunub. Filmdəki bəzi cinayət səhnələrinin real həyatda təkrarlanmasından ehtiyat edilirdi.
“The İnterview” (2014, ABŞ) (“İntervyü”)
Şimali Koreya liderinə qarşı satirik yanaşma səbəbindən film bu ölkədə tamamilə qadağan edilib. Hətta filmin yayımlanması “Sony” şirkətinə qarşı kiber hücumlara da səbəb olmuşdu.
“Cannibal Holocaust” (1980, İtaliya) (“Hannibal Holokost”)
Film real görüntü effekti və qəddar səhnələri səbəbilə bir çox ölkədə, o cümlədən İtaliya və Avstraliyada qadağan edilib. Hətta rejissor müvəqqəti həbs olunmuşdu, çünki film real zənn edilmişdi.
“The Last Temptation of Christ” (1988, ABŞ) (“Günaha son çağırış” )
Martin Skorsezenin bu filmi dini dairələrdə qalmaqal yaratmış və bir çox ölkədə, xüsusilə Yunanıstan və Türkiyədə qadağan edilmişdi. İsa Məsihin insani təbiətini önə çıxarması narazılıqla qarşılanmışdı.“Persepolis” (2007, Fransa)
İranda qadağan edilən bu film İslam İnqilabına tənqidi yanaşması və rejim əleyhinə mesajları ilə diqqət çəkir. Filmin əsas qəhrəmanı rejimin repressiyalarına məruz qalır.
“Borat” (2006, ABŞ) - (“Borat”)
Qazaxıstanı ələ saldığı üçün bu film sözügedən ölkədə və bəzi ərəb ölkələrində qadağan edilib. Filmdə stereotiplər və təhqiramiz yumor geniş istifadə olunur.
“The Da Vinci Code” (2006, ABŞ) (“Da Vinçi şifrəsi”)
Xristianlığa dair iddialarına görə film Filippin, Hindistan və bəzi digər ölkələrdə məhdudiyyətlərlə üzləşib. Katolik kilsəsi filmin yayımına qarşı çıxmışdı.
“Salo, or the 120 Days of Sodom” (1975, İtaliya) ("Salo və ya Sodomun 120 günü" )
Markiz De Sadın əsəri əsasında Pazolininin çəkdiyi bu film seksual zorakılıq və qəddarlıq səbəbindən İtaliya, Avstraliya və Böyük Britaniyada uzun illər qadağan olunub.
“I Am Curious” (Yellow) (1967, İsveç)
Film açıq-saçıq seksual səhnələr və siyasi mesajlara görə ABŞ-da uzun müddət qadağan olunmuşdu. İsveçdə isə böyük səs-küy yaratmışdı.
“İnnocence of Muslims” (2012, ABŞ) (“Müsəlmanların məsumiyyəti “)
İslam peyğəmbərinə qarşı təhqiramiz ifadələrə görə bir çox müsəlman ölkələrində, o cümlədən Misirdə, Pakistanda və İranda film tamamilə qadağan olunub.
