Xocalı hadisələrindən bəhs edən “Doğma torpaq” filmi təqdim olunacaq

Xocalı hadisələrindən bəhs edən “Doğma torpaq” filmi təqdim olunacaq
28 fevral 2024
# 10:11

“Narimanfilm” kinostudiyası “Doğma torpaq” tammetrajlı bədii film layihəsi üzərində işləyir. Film Azərbaycanın yaxın tarixinin üç vacib mərhələsini işıqlandırır. Bunlar Ermənistanda yaşayan azərbaycanlıların öz doğma yurdlarından qovulması, birinci Qarabağ müharibəsi, xüsusən Xocalı soyqırımı və Ordumuzun Vətən Müharibəsindəki şanlı qələbəsidir.

Kulis.az xəbər verir ki, “Doğma torpaq” tammetrajlı bədii filminin quruluşçu rejissoru və ssenari müəllifi İlqar Safat, quruluşçu operatoru Konstantin Esadze, bəstəkarı Araz Hümbətli, səs rejissoru İvan Qusakov, prodüseri Nəriman Məmmədovdur. Filmin çəkilişlərində Rüstəm Cəbrayılov, Alina Vorontsova (Rusiya), Hacı İsmayılov, Orxan Abbasov, Məbud Məhərrəmov, Azər Aydəmir, Qorqud Cəfərli, Rəşad Səfərov, Eldar Bağırbəyov, Əjdər Zeynalov, Yaroslav Trifonov, Əminə Abbasova və başqaları iştirak ediblər.

“Doğma torpaq” bədii filminin istehsalı Azərbaycan Respublikası Mədəniyyət Nazirliyinin, həmçinin, PASHA Holding, United Alliance group, Gazelli Group, AzMade Group, CMS, Azersun Holding şirkətlərinin, Caspian Energy Club və İTV-nin iştirakı ilə həyata keçirilir. Filmin ilk mərhələsinin çəkilişləri 2021-ci ilin mart-aprel aylarında, son mərhələnin çəkilişləri isə sentyabr-oktyabr aylarında aparılıb. Çəkilişlər Qobustan, Quba, Bərdə, Zaqatala, Qax rayonlarında, Bakı və Şuşa şəhərlərində həyata keçirilib. Hazırda filmin istehsalı post-prodakşın son mərhələsindədir: qrafika üzərindəki iş artıq başa çatmaq üzrədir, səs-küyün yazılması və rəng korreksiyası üzərində iş gedir.

“Doğma torpaq” filminin 2024-cü ildə Vətən Müharibəsindəki Zəfərimizin dördüncü ildönümü ərəfəsində tamaşaçılara təqdim olunması nəzərdə tutulub.

Filmin Türkiyə, Rusiya, Ukrayna, Gürcüstan və digər ölkələr daxil olmaqla dünya miqyasında nümayişi, həmçinin beynəlxalq festivallarda iştirakı gözlənilir.

# 1917 dəfə oxunub

Oxşar xəbərlər

Cinayət jurnalistinin materialları əsasında film  hazırlanır

Cinayət jurnalistinin materialları əsasında film hazırlanır

13:50 10 sentyabr 2025
"Bu film sadəcə bir kəndin taleyi deyil, həm də..." - Tahir Tahiroviç

"Bu film sadəcə bir kəndin taleyi deyil, həm də..." - Tahir Tahiroviç

12:40 10 sentyabr 2025
92 yaşlı Maykl Keynin yeni filmi

92 yaşlı Maykl Keynin yeni filmi

12:20 10 sentyabr 2025
Devid Linçə həsr olunmuş 2 günlük festival baş tutacaq

Devid Linçə həsr olunmuş 2 günlük festival baş tutacaq

10:38 10 sentyabr 2025
İsrailin film şirkətlərinə boykot

İsrailin film şirkətlərinə boykot

09:35 10 sentyabr 2025
"Harri Potter"in rəssamı vəfat etdi

"Harri Potter"in rəssamı vəfat etdi

17:00 9 sentyabr 2025
Ana səhifə Yazarlar Bütün xəbərlər