Xalq artisti Rasim Balayev bu günlərdə gözündən əməliyyat olunacaq.

Aktyorun Kulis.az-a verdiyi məlumata görə “Sübhün səfiri” filminin çəkilişlərində sağ gözündə problem olduğunu hiss edibmiş: "Əvvəl gözümün qarşısını alan tor arada çəkilirdisə, indi çəkilmir. Həmin gözüm demək olar ki, görmür. Yalnız tor görürəm. Hövsələm bir tikə olub. Əhval-ruhiyyəm də pozulub. Getdim həkimə, dedi ki, əməliyyat olunmalıdır. Narahatlıq üçün əsas yoxdur. Gözümə mirvari suyu gəlib, həkim deyir on dəqiqənin içində həll olunacaq və gözlərim görəcək.”

Əməliyyat gələn həftəyə planlaşdırılıb.

Sevimli sənətkarımıza şəfa diləyir və keçmiş olsun deyirik.

Xalq artisti Lent.az-a açıqlamasında bildirib ki, bir müddət öncə gözündə problem yaransa da, artıq hər şey qaydasındadır: “Gözümdə ağrılar başlamışdı. Mirvari suyu gəlirdi. Bu, çox adamlarda rast gəlinən haldır. Həkimlər iki dərman yazdılar. Onu gözümə tökürdüm. İndi keçib gedib. Həkimlər bildirdilər ki, zərurət yaranarsa, katarakta cərrahiyyəsi həyata keçirəcəklər. Amma hazırda əməliyyat olunmağım mütləq deyil”.

Qeyd edək ki, bu gün xalq artistinin bir gözünün tutulması və gələn həftə əməliyyat olunması ilə bağlı xəbərlər yayılıb.

Ramilə QURBANLI

• Türkiyənin üçüncü ən böyük odeonu tapıldı
• Prezident İlham Əliyevin ABŞ səfərinin nəticələri ilə bağlı mediaya müsahibəsi
• Merve Dizdar və Selahattin Paşalıya "Qızıl Portağal" uğur mükafatı verildi