“Əli və Nino” filmi ikinci dəfə İtaliyada

“Əli və Nino” filmi ikinci dəfə İtaliyada
14 noyabr 2017
# 10:00

Bu ilin yayında İtaliyada keçirilmiş Birinci Azərbaycan Film Festivalı çərçivəsində ilk dəfə təqdim edilmiş dünyaca məşhur “Əli və Nino” filmi yenidən italyan tamaşaçıların qarşısına çıxıb.

Bu dəfə filmin nümayişi Azərbaycanın İtaliyadakı səfirliyi və İtaliya Xarici İşlər Nazirliyi Əməkdaşlarının Həyat Yoldaşlarının Assosiasiyası (ACDMAE) tərəfindən Romanın mərkəzində yerləşən “Tiziano” kinoteatrında təşkil olunub. Filminin nümayişi ilə ACDMAE-nin mədəni mübadiləni təşviq etmək məqsədilə həyata keçirdiyi “Beynəlxalq film seriyaları” layihəsinin açılışı reallaşıb.

Tədbiri giriş sözü ilə ACDMAE-nin prezidenti Sofia Marras açıb və ardınca həmin qurumun inzibati şurasının üzvü Puççi Rastrelli, Azərbaycanın İtaliyadakı səfirinin həyat yoldaşı Aynurə Hüseynova və ölkəmizin İtaliyanın Genuya şəhərindəki fəxri konsulu Marqarita Kosta salamlama nitqi söyləyiblər.

Qeyd edilib ki, layihənin rəhbəri və icraçı prodüseri Heydər Əliyev Fondunun vitse-prezidenti Leyla Əliyeva, prodüseri Kris Tikyer, rejissoru “BAFTA” mükafatı sahibi Asif Kapadia, ssenari müəllifi isə “Akademy Award” mükafatı laureatı Kristofer Hemptondur. Filmdə baş rolları 86-cı Kino Akademiya festivalının qalibi Adəm Bəkri və Qoya mükafatı laureatı, ispaniyalı aktrisa Mariya Valverde ifa edirlər.

Sonra “Əli və Nino” filmi nümayiş etdirilib.

Yazıçı Qurban Səidin dünya bestselleri olan eyniadlı romanı əsasında ekranlaşdırılan “Əli və Nino” Azərbaycanın müstəqillik uğrunda mübarizəsi və XX əsrin əvvəlində Azərbaycanın Rusiya tərəfindən işğal edilməsi fonunda müxtəlif dinlərə etiqad edən iki gəncin sevgisindən bəhs edir.

Tədbirin sonunda iştirakçılara Azərbaycanın milli mətbəx nümunələrindən müxtəlif şirniyyatlar təqdim olunub.

AzerTac

# 1342 dəfə oxunub

Oxşar xəbərlər

Yasaq sevgi hekayəsi - Yeni serial

Yasaq sevgi hekayəsi - Yeni serial

18:48 24 aprel 2025
700 layihə arasından seçilmiş - "Kür"

700 layihə arasından seçilmiş - "Kür"

12:40 24 aprel 2025
Trampın betonla savaşı, İsanın anası və yəhudilər - Ömər Xəyyam

Trampın betonla savaşı, İsanın anası və yəhudilər - Ömər Xəyyam

09:00 24 aprel 2025
“Mənim sehrli dünyam” təqdim ediləcək

“Mənim sehrli dünyam” təqdim ediləcək

18:30 23 aprel 2025
Oqtay Mirqasımovun filmi 60 ildən sonra təqdim olunur

Oqtay Mirqasımovun filmi 60 ildən sonra təqdim olunur

13:17 23 aprel 2025
Yeni Oskar qaydaları nə vaxtdan tətbiq olunacaq?

Yeni Oskar qaydaları nə vaxtdan tətbiq olunacaq?

11:00 23 aprel 2025
#
#
# # #