Dekabrın 20-də C.Cabbarlı adına Azərbaycan Dövlət Teatr Muzeyində 28 dekabr - Beynəlxalq Kino Gününə həsr edilmiş tədbir keçirilib.
Muzeyin direktoru Sevinc Mikayılova Azərbaycanda kino sənətinin inkişafından, kinolarımıza musiqi bəstələyən görkəmli bəstəkarlardan söhbət açıb.
S.Mikayılova bildirib ki, bu gün C.Cabbarlı adına Azərbaycan Dövlət Teatr Muzeyinin, Muzey Sərvətləri və Xatirə Əşyalarının Elmi Bərpa Mərkəzinin birgə hazırladığı tədbirdə kino musiqisi ilə ekranları rövnəqləndirən bəstəkarların əsərləri səsləndiriləcək. Bəstəkarlarımızın yaradıcılıq uğurlarından danışan natiq sonra səhnəni G.Şaroyev adına 35 nömrəli 11 illik musiqi məktəbinin şagirdlərinə verib.
Tədbirdə SSRİ Xalq Artisti Fikrət Əmirovun, Xalq artistləri - Tofiq Quliyevin, Səid Rüstəmovun, Emin Sabitoğlunun kino yaradıcılığını əks etdirən videogörüntülər nümayiş olunub.
Sonda şagirdlərin ifasında Azərbaycan kinosunun musiqi inciləri səsləndirilib. /azertag.az/
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər