Azərbaycan Kinematoqrafçılar İttifaqı “Tənha insanın monoloqu” bədii filminin festival yayımı nüsxəsinin hazırlanmasına maliyyə vəsaiti ayırıb.
Kulis.az xəbər verir ki, psixoloji ailə dramı janrında olan film, müharibədən və ata-oğul münasibətlərindən bəhs edir.
Filmin rejissoru və ssenari müəllifi Emin Əfəndiyev, operatoru Daniel Quliyev, prodüseri Sərvər Bayramov, rəssamı Arif Niftiyev, bəstəkarı Azər Hacıəsgərlidır. Filmdə baş rolları Mahir Dərviş və Elşən Əsgərov canlandırırlar.
Film Azərbaycan Respublikasının Kino Agentliyinin (ARKA) dəstəyilə “Shahdagfilm” studiyasında istehsal olunub.
Sözügedən filmin yaxın gələcəkdə festivallarda iştirakını təmin etmək məqsədilə AKİ filmin ingilis dilinə tərcüməsinin redaktəsinə və DCP formatda nüsxəsinin hazırlanmasına maliyyə dəstəyi ayırıb.
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
