Real hadisələr əsasında çəkilmiş filmlər: Müharibə, xəstəlik və ayrılıq

Real hadisələr əsasında çəkilmiş filmlər: Müharibə, xəstəlik və ayrılıq
9 fevral 2025
# 12:00


Kulis.az real hadisələr əsasında çəkilmiş yaddaqalan filmlərin bir neçəsini təqdim edir.



“Ruanda hoteli”


Film 1994-cü ildə Ruandada Hutu və Tutsi etnik qrupları arasında yaşanan və minlərlə insanın ölümüylə nəticələnən vətəndaş müharibəsindən bəhs edir.

Filmin baş qəhrəmanı Paul Rusesabaqine qəsəbənin ən bahalı hotelinə rəhbərlik edir. İrqçiliyə nifrət edən Paulun həyat yoldaşı da Tutsilərdəndir. Paul həm öz ailəsini, həm də günahsız insanları qorumalıdır.

Don Çidl, Xoakin Feniks və Nik Nolton kimi təcrübəli aktyorların oynadığı filmin rejissoru Terri Corcdur.




“Xoşbəxtlik axtarışında”


Film oğluyla birgə yaşamaq uğrunda mübarizə aparan boşanmış Kris Qardnerin həyatından bəhs edir. Qabriele Muççinonun çəkdiyi filmdə baş rolları Vil Smit və oğlu Ceyden Smit canlandırır.



“Titanik”


Dünyanın xatırlamaq istəmədiyi fəlakətlərdən biri olan “Titanik” faciəsi 1997-ci ildə dahi Ceyms Kameron tərəfindən ekranlaşdırılıb.
Rejissor aysberqə çırpılıb parçalanan gəmidə yaşananları iki gəncin sevgisi fonunda təqdim edib.
Filmdə əsas rolları Leonardo di Kaprio və Keyt Uinslet canlandırıb.



“Pianoçu”


Roman Polanskinin üç nominasiyada “Oskar”a layiq görülən filmi İkinci Dünya müharibəsi zamanı yaşanan real hadisələr əsasında çəkilib.

Məşhur polşalı pianoçu Vladislav Şpilmanın xatirələrini yazdığı eyniadlı kitab əsasında ekranlaşdırılan filmin baş rolu ifaçısı Edrian Broudi “ən yaxşı aktyor” nominasiyasında “Oskar” qazanıb.



“Erin Brokoviç”


Film hüquq təhsili olmayan, amma çox önəmli məhkəmə proseslərində haqlı tərəfin qalib gəlməsinə nail olan sadə və mübariz qadından bəhs edir. Stiven Sodeberqin rejissoru olduğu filmdə Brokoviç rolunu Culiya Roberts canlandırıb.



“Apollon 13”


Ron Hovardın 1995-ci ildə ekranlara çıxan filmi Amerika tarixinin ən böyük qalmaqallarından biri olan “Apollon 13” layihəsindən bəhs edir. Film 1970-ci ildə Aya göndərilən və partlayan kosmik gəmi heyətinin dünyaya dönüşü haqqındadır.

Filmdə Tom Henks, Bill Pekston və Kevin Beykon kimi təcrübəli aktyorlar rol alıb.



“Şindlerin siyahısı”


Oskar Şindler adlı alman iş adamı 1100 yəhudinin həyatını xilas edir.

Əfsanəvi Stiven Spilberqin yaddaqalan işlərindən biri olan filmdə Oskar Şindler rolunu Liam Nelson canlandırır.



“Bacımın hekayəsi”


Ceremi Levenin eyniadlı romanı əsasında ekranlaşdırılan film Ticerald ailəsinin leykozla mübarizəsindən bəhs edir. Rejissor Nik Kassavetesin beş il öncə ekranlara çıxan filmində əsas rolları Kameron Diaz, Abiqayl Breslin və Alek Boldvin canlandırıb.



“Sosial şəbəkə”


Film bütün dünyanı fəth edən “Facebook” sosial şəbəkəsinin qurucusu Mark Zukerberq və dostlarından bəhs edir. Zukerberqi oğru kimi qələmə verən film kifayət qədər qalmaqala və müzakirələrə səbəb olub.

Cessi Ayzenberqin baş rolu oynadığı filmin rejissoru Devid Finçerdir.

# 1828 dəfə oxunub

Oxşar xəbərlər

Azərbaycanlı rejissor Hollivudda

Azərbaycanlı rejissor Hollivudda

18:40 30 iyun 2025
Selena Qomez yenidən Aleks Russo rolunu canlandıracaq

Selena Qomez yenidən Aleks Russo rolunu canlandıracaq

17:33 30 iyun 2025
Maherşala Əlidən "Blade"  etirafı

Maherşala Əlidən "Blade" etirafı

11:18 25 iyun 2025
Aktyor Vüsal Murtuzəliyevin vəziyyəti açıqlandı

Aktyor Vüsal Murtuzəliyevin vəziyyəti açıqlandı

10:45 21 iyun 2025
"Ölü Həsən"  filminin çəkilişləri yekunlaşdı

"Ölü Həsən" filminin çəkilişləri yekunlaşdı

11:20 20 iyun 2025
Ona niyə fəxri ad verilməmişdi? - Özünü oynayan aktyorun faciəsi

Ona niyə fəxri ad verilməmişdi? - Özünü oynayan aktyorun faciəsi

09:00 20 iyun 2025
#
#
# # #