Sentyabrın 7-dən etibarən AzTV-nin efirində yeni “IV Divar” serialı tamaşaçılara təqdim olunacaq.
Kulis.az xəbər verir ki, serial 30 il əvvəl Bakı kəndlərinin birində, Fəxrəddin adlı şəxsin evində, adi bir yemək süfrəsi arxasında baş verən dəhşətli qətliamın illər sonra yaratdığı təsirlərdən və insanların taleyində buraxdığı izlərdən bəhs edir.
Zaman keçsə də, həmin gecənin səssizliyi dağılmır. Hadisədən 30 il sonra bir-birindən ayrı düşmüş, uşaqlıq illərində saf sevgi ilə bağlanmış iki insanın yolları yenidən kəsişir. Keçmişin sirləri, yarımçıq qalan münasibətlər və illər əvvəl baş verən hadisələrin yaratdığı izlər onların həyatında yeni mərhələnin başlanmasına səbəb olur.
“IV Divar” serialının layihə rəhbəri Həmid Əsədzadə, quruluşçu rejissoru isə Elvin Rüstəmzadədir.
Ekran işində İbrahim Çingiz, Firdovsi Atakişiyev, Sabirə Abdullayeva, Sənan Əlləz, Əlibəy Məmmədli, Nigar Mürsəlova, Ceyhun Məmmədov, Asiman Ağa Rövşən, Pərviz Sərxan və digər aktyorlar rol alıblar.
Qeyd edək ki, “IV Divar” serialı hər həftənin I, II və III günləri saat 23:00-da AzTV-nin efirində yayımlanacaq.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər