Mədəniyyət Nazirliyi və Azərbaycan Respublikasının Kino Agentliyi (ARKA) post-prodakşn mərhələsində olan filmlərlə bağlı “2025-ci il üzrə filmlərə dəstək müsabiqəsi”nə start verib.
Kulis.az xəbər verir ki, müsabiqənin keçirilməsində əsas məqsəd film istehsalının stimullaşdırılması və səmərəliliyinin yüksəldilməsi, müstəqil prodüser mərkəzləri və müvafiq sahədə fəaliyyət göstərən digər şəxslər arasında rəqabət qabiliyyətinin artırılması və birgə film istehsalının dəstəklənməsidir.
Müsabiqə kinematoqrafın istənilən istiqamət, kateqoriya və janrlarını əhatə edən, kütləvi nümayiş üçün nəzərdə tutulan, post-prodakşn mərhələsində olan film layihələri arasında keçirilir.
Üç mərhələdən ibarətdir müsabiqəyə layihələrin qəbulu, Bədii Şura tərəfindən layihələrin qiymətləndirilməsi və sənədləşdirmə işləri (müqavilələrin bağlanması və s.) daxildir.
Bir film üçün nəzərdə tutulan maksimal dəstək məbləği tammetrajlı bədii filmlər üzrə 30 min manat, tammetrajlı sənədli filmlər üzrə 20 min manat, qısametrajlı bədii və sənədli filmlər üzrə 15 min manat, qısametrajlı animasiya filmləri üzrə isə 13 min manat müəyyən olunub.
Layihə təklifləri fevralın 21-dək https://arka.culture.az internet səhifəsinə göndərilməlidir. Gecikmiş layihə təklifləri etibarsız hesab olunacaq.
Qeyd edək ki, ötən il keçirilən birinci müsabiqədə qalib gələn 6 filmə maliyyə dəstəyi ayrılmışdı.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər