8-ci ANİMAFİLM - Beynəlxalq Animasiya Festivalı

8-ci ANİMAFİLM - Beynəlxalq Animasiya Festivalı
10 may 2025
# 11:00

3-7 sentyabr 2025-ci il tarixlərində Bakıda Azərbaycan Animasiya Assosiasiyasının təşkilatçılığı ilə 8-ci ANİMAFİLM Beynəlxalq Animasiya Festivalı keçiriləcək. Animasiya peşəkarları, həvəskarlar və studiyalar festivalın müsabiqə proqramında iştirak etməyə dəvət olunur.

Kulis.az xəbər verir ki, festivala təqdim olunacaq animasiya filmləri onlayn FilmFreeway platforması vasitəsilə qəbul edilir.

Filmlər aşağıdakı şərtlərə uyğun olmalıdır:

– Filmlər yerli və beynəlxalq kateqoriyalar üzrə qəbul olunur.

– Filmlər 2024-ci il yanvarın 1-dən sonra çəkilməlidir.

– Filmin 50%-dən çoxu animasiya olmalıdır.

– Filmdə istifadə edilən animasiya texnikaları və mövzularına məhdudiyyət qoyulmur.

– Müraciətlər üçün son tarix 15 iyun 2025-ci ildir.

ANİMAFİLM Beynəlxalq Animasiya Festivalı Azərbaycanın ilk və tək animasiya festivalıdır. 2018-ci ildən başlayaraq təşkil olunan festival uşaq və gəncləri, animasiya rejissorlarını və studiyaları bir araya gətirərək onları beynəlxalq təcrübə ilə tanış edir, peşəkar yerli və xarici animasiya ustaları ilə onları görüşdürüb yüzlərlə animasiya filmləri nümayiş etdirir, ustad dərsləri, konfranslar, konsertlər, tamaşalar və sərgilər keçirir.

Regionlarda animasiya kinosu və sənayesinin inkişafının təşviqi məqsədi ilə keçirilən regional animasiya festivalları artıq ənənəyə çevrilib. 2021-ci ildə “ANİMAFİLM Şəkidə”, 2023-cü ildə “ANİMAFİLM Naxçıvanda”, 2024-cü ildə “ANİMAFİLM Lənkəranda”, 2025-ci ildə isə “ANİMAFİLM Gəncədə” festivalları keçirilib.

2024-cü ildə ANİMAFİLM Beynəlxalq Animasiya Festivalı Britaniya Kino və Televiziya Sənətləri Akademiyası tərəfindən “BAFTA Festivallar Siyahısı”na daxil edilib.


# 733 dəfə oxunub

Oxşar xəbərlər

"Kardeş takımı 3"ün çəkilişləri başladı

"Kardeş takımı 3"ün çəkilişləri başladı

15:52 17 iyul 2025
“Pəncərə” filmi niyə tamaşaçı qazana bilmədi? - Məşhur filmin kadrarxası

“Pəncərə” filmi niyə tamaşaçı qazana bilmədi? - Məşhur filmin kadrarxası

14:48 17 iyul 2025
Hayli Stinfild və Mayls Teller eyni layihədə

Hayli Stinfild və Mayls Teller eyni layihədə

12:10 17 iyul 2025
Kameron Diazın yeni filmi açıqlandı

Kameron Diazın yeni filmi açıqlandı

11:40 17 iyul 2025
Məşhur roman əsasında film çəkiləcək

Məşhur roman əsasında film çəkiləcək

11:00 17 iyul 2025
Əlixanın ifası onun ürəyini partladırdı... - KVN-dən kinoya

Əlixanın ifası onun ürəyini partladırdı... - KVN-dən kinoya

15:04 14 iyul 2025
#
#
# # #