Hollivud mükafatlı “Sahə” filmi Bakıda göstəriləcək

Kino

Ana səhifə
Kino

Hollivud mükafatlı “Sahə” filmi Bakıda göstəriləcək - AFİŞA

18 may 2011

10:35

Mayın 19 və 20-də “Park Cinema” kinoteatrında “Sahə” bədii filmi nümayiş olunacaq. “Sahə” bədii filmi məşhur fotoqrafın öz uşaqlıq dövrünə olan mistik səyahəti haqqındadır. Film “Narimanfilm” (Azərbaycan), “Georgianfilm” və “Bagira Films” (Gürcüstan) studiyalarının müştərək istehsalı olub, Mədəniyyət və Turizm Nazirliyinin maliyyə dəstəyi və PaşaBank-ın iştirakı ilə ərsəyə gətirilib.

Filmdə baş rolları Zaza Bejaşvili (Gürcüstan), Melissa Papel (Fransa), Vaqif İbrahimoğlu (Azərbaycan) və Timur Oduşev (Azərbaycan) ifa etmişlər. Ssenari müəllifi və quruluşçu rejissor İlqar Safatdır. Operatorlar Konstantin (Mindia) Esadze və Varlam Karçxadze, quruluşçu rəssamlar Rəna Əffəndi və Törəxanım Ağabəyova, bəstəkar Andrey Doynikov; bədii rəhbər Cəmil Quliyev; filmin prodüseri Nəriman Məmmədovdur.

Xatırladaq ki, 2010-cu ildə “Sahə” “Xarici dildə ən yaxşı film” kateqoriyasında 83-cü illik Oskar mükafatı uğrunda mübarizəyə qatılmaq üçün irəli sürülüb. Əsas rollardan birinin ifaçısı olan Timur Oduşev Hollivudun Gənc İstedadlar Mükafatının (Hollywood Young Artists Award) 32-ci təqdimetmə mərasimində “Best Performance in an International Feature Film” nominasiyasında mükafat alıb.