“Bir addım” QISA FİLM

Kino

Ana səhifə
Kino

“Bir addım” QISA FİLM

29 oktyabr 2012

11:57

"Bir addım" filmi Qarabağ müharibəsində gözlərini itirmiş Yusif adlı gəncin həyat hekayəsindən bəhs edir. Yusifin həyat yoldaşı Nisə ömür-gün yoldaşının göz əməliyyatına pul toplamaq üçün gecə-gündüz işləyir. Belə həyat tərzindən bezən Yusif intihar etmək qərarına gəlir. Lakin qəfil peyda olan qadın obrazında mələk onu ölümdən qurtarır və həyatda gözləri görmədən də yaşamağı ona öyrədir. Sonda Yusifin gözləri əməliyyat edilir və o yenidən işıqlı dünyasına qayıdır.

"Bir addım" qısametrajlı filmi Mədəniyyət və Turizm Nazirliyinin keçirdiyi "Bu meydan, bu ekran - 2008" müsabiqəsinin qalib kinolayihəsi kimi 2009-cu ildə istehsal olunub.

"İmper Qrup" Prodüser Mərkəzinin istehsal etdiyi "Bir addım" qısametrajlı bədii filmi 2010-cu il avqustun 28-29-da Ukraynanın İrpen şəhərində keçirilən və 56 ölkə təmsil olunduğu VIII Beynəlxalq "İrpen" kinofestivalının "Peşəkar" bölməsində ikinci yerə layiq görülüb.

Filmin heyəti: Rejissoru: Fariz Əhmədov, Nərgiz Bağırzadə
Ssenari müəllifi: Alina Abdullayeva, Nərgiz Bağırzadə
Operator: Tarıverdi Tarıverdiyev
Rəssam: Şahin Həsənli
Bəstəkar: Rauf Əliyev
Prodüserlər: Fariz Əhmədov, Rəşad Qasımov
Rollarda: Gülzar Qurbanova, Pərviz Məmmədrzayev, Nərminə Kərimova