“Mahmud və Məryəm” film olur

Kino

Ana səhifə
Kino

“Mahmud və Məryəm” film olur

6 sentyabr 2011

12:47

Türkiyə və Azərbaycanın müştərək istehsalı olan “Mahmud və Məryəm” adlı film çəkiləcək.

Filmin baş məsləhətçisi, Türkiyədə yaşayan aktrisa Məlahət Abbasova: “Filmlə əlaqədar çox ciddi hazırlıq görülüb. Filmin rejissoru Mətin Hüseyn sentyabrın 6-da İngiltərədən gələcək. Eyni zamanda quruluşçu rəssamla da danışıqlar aparılır. Türkiyənin çox tanınmış aktyorları filmdə rol alacaq. Lakin tam dəqiqləşmədiyi üçün adların deməyəcəyəm”,- deyə film haqda məlumat verib.

Məlahət Abbasova onu da qeyd edib ki, filmin baş qəhrəmanı Məryəm obrazının azərbaycanlı olmasına qərar verilib: “Məryəmi azərbaycanlının oynaması çox böyük fürsətdir. Bu da Məryəmi oynayacaq gənc qızın həyatını dəyişdirə bilir. Onu da deyim ki, filmi “24 kare” film şirkəti və “Salnamə” studiyası birgə hazırlayacaq”.

Aktrisa vurğulayıb ki, filmin Balkan, Ərəb, Avropa ölkələrinə satışı üçün indidən tədbirlər görülür: “Filmin otuz altıdan çox xarici ölkədə eyni anda nümayişi düşünülür. “Mahmud və Məryəm”in məsləhətçisi də mənəm. Filmdə Qəmərbanu rolunu oynayacağam”.