Venetsiya festivalı davam edir - FİLMLƏR

Venetsiya festivalı davam edir - FİLMLƏR
5 sentyabr 2011
# 11:48
Artıq beş gündür davam edən Venetsiya film festivalında dünən Al Paçinonun “Vəhşi Salomeya” adlı filmi təqdim olunub. Film yazıçı Oskar Uayldın “Salomeya” pyesi əsasında çəkilib. Baş rolu bu il Kann Film Festivalının qalibi olmuş “Həyat ağacı” filmində ana rolunu canlandıran Cessika Çesteyn oynayıb.

Bundan başqa, festivalda Devid Kronenberq “Təhlükəli metod” filmini təqdim edib. Z. Freyd və K.Yunqun konfliktindən, həmçinin Yunqun öz xəstəsi Sabina ilə sevgi macərasından bəhs edən bu film festivalın favoritlərindən hesab olunur. Filmdə baş rolları Kira Naytli, Maykl Fassbender, Viqo Montensen və Vensan Kassel paylaşıblar.

Festivalda Monika Beluççinin baş rol aldığı “Ehtirasın o zamankı yayı” erotik dramı da nümayiş olunub. Fransız Filipp Harrelin rejissoru olduğu film rəssamla onu tərk edən sevdiyi qadının hekayətini anladır. Beluççinin tərəf müqabili gənc aktyor Lui Harrel olub.

Keyt Uinslet, Kristof Valts, Cudi Foster kimi ulduzların yer aldığı “Qırğın” lirik komediyası isə filmin rejissoru Roman Polanski olmadan göstərilib. Film məktəbdə uşaqlarının davasından sonra bir-birilə yaxınlaşan ailələrdən bəhs edir.

Festivalda həmçinin Keyt Uinslet, Cud Lu, Qvinet Peltrou, Marion Kottilar kimi ulduzların çəkildiyi Stiven Sodeberq “İnfeksiya” filmi də nümayiş olunub. Filmdə dünya əhalisini ölüm təhlükəsi qarşısında qoyan təhlükəli virusla mübarizədən bəhs olunur.

Venetsiya festivalı sentyabrin 10-a kimi davam edəcək.

Rena Nevzat
Günel Əsgərzadə
# 1432 dəfə oxunub

Oxşar xəbərlər

Kino Agentliyinin hesabatı

Kino Agentliyinin hesabatı

16:39 1 mart 2024
Zirzəmidəki yəhudi qız, 8 yaşlı əsir... - Prezidentin təlimatı

Zirzəmidəki yəhudi qız, 8 yaşlı əsir... - Prezidentin təlimatı

10:05 1 mart 2024
Xocalı hadisələrindən bəhs edən “Doğma torpaq” filmi təqdim olunacaq

Xocalı hadisələrindən bəhs edən “Doğma torpaq” filmi təqdim olunacaq

10:11 28 fevral 2024
Bu bədii film mədəni istirahət üçün  olan kinolardan deyil

Bu bədii film mədəni istirahət üçün olan kinolardan deyil

17:39 19 fevral 2024
Generalı döyən küçə uşaqları - Mətləb Muxtarov

Generalı döyən küçə uşaqları - Mətləb Muxtarov

15:00 18 fevral 2024
"Əhmədlər" necə yaranır?

"Əhmədlər" necə yaranır?

15:00 15 fevral 2024
# # #