Teatr mövsümü başladı

Kino

Ana səhifə
Kino

Teatr mövsümü başladı

2 sentyabr 2011

11:46

Teatrlarda artıq işə başlanıb. Akademik Milli Dram Teatrından Kulisə verilən məlumata görə bu gündən teatrda məşqlərə start verilib. Eyni vaxtda bir-neçə tamaşa üzərində məşqlər davam etdiriləcək. Azərpaşa Nemətov İlyas Əfəndiyevin “Sən həmişə mənimləsən” əsərini ilkin adı “Boy çiçəyi” adı ilə səhnəyə hazırlayır.

Türk müəllifinin Vaqif İbrahimoğlunu tərcüməsində “Qanlı Nigar” əsəri Milli Dram Teatrında yenidən səhnələşdirilir. Gürcü müəllifi A. Saqarelinin “Xanuma” əsərini isə Mikayıl Mikayılov “Yengələr” adi ilə tamaşaya qoyur. Hələlik bu üç yeni tamaşanın məşqlərinə başlanıb.

O ki, qaldı mövsümün açılışına, bütün ölkə teatrları eyni gündə sentyabrın 15-də qapılarını tamaşaçıların üzünə açacaqlar. Son illərin ənənəsinə rəğmən bu ilki teatr açılışı Mingəçevir teatrında reallaşacaq. Bütün ölkə teatrları da həmin məclisə öz açılışlarını elan edəcəklər. Ötən il Sumqayıt, ondan əvvəlki il Gənc Tamaşaçılar teatrında belə bir açılış məclisi düzənlənmişdi. Milli Dram Teatrı isə yenə öz açılışını İlyas Əfəndiyevin “Qarabağnamə” tamaşası ilə edəcək. Daha bir Qarabağ mövzulu tamaşa, Hüseynbala Mirələmovun “Xəcalət”i ilə, teatr Yalta festivalına qatılır. Bu isə sentyabrın 12-dən 17-nə qədərki dövrü əhatə edir.

Ramilə Qurbanlı