Kulis.az “axırıncı dəfə nə vaxt və hansı kitabları almısınız” sualı ilə sorğu keçirir.
Sorğunun ilk qonaqları media kapitanlarıdır.
Zahir Əzəmət – Ann.az informasiya agentliyinin və Kultaz.com saytının baş redaktoru:
- Son kitabları bir həftə əvvəl- bazar günü almışam. Bunlar əsasən "Qanun" nəşriyyatının "Ən yeni tərcümə" seriyasından dərc etdiyi kitablardı. Ceyms Coysun "Dublinlilər" və Klezionun "Gözəgörünməz qitəyə yanaşma" kitablarını aldım. Amma hələ oxumamışam. Hal-hazırda Kamal Abdullanın yeni çap olunmuş "Unutmağa kimsə yox" romanını oxuyuram. Bu kitab isə müəllifin hədiyyəsidir.
Qənimət Zahid – “Azadlıq” qəzetinin baş redaktoru:
- Axırıncı dəfə bir həftə əvvəl çoxlu sayda kitab almışam. Bunların arasında Mark Levinin əsərləri çoxluq təşkil edir: “Özgürlük için”, “Gölge hırsızı”, “Geşke gerçek olsa”, “Sonsuzluk için 7 gün”. Bir də Elif Şafakın “Aşk” romanını almışam. Artıq oxumağa başlamışam.
Aqil Abbas – “Ədalət” qəzetinin təsisçisi:
- Mən ayda yüzə yaxın kitab aliram, təxminən əllisini də yazarlar bağışlayır. Sonuncu dəfə F. Dostoyevski, F. Kafka, Aqşin, Niyazi Mehdi və Xalid Kazımlının kitablarını almışam.Hal-hazırda “Səfilləri” yenidən oxuyuram. Seymur Baycanın “Quqark” romanını da çox bəyəndim.
Rəşad Məcid – “525-ci” qəzetin baş redaktoru:
- Axrıncı dəfə “Əli və Nino”-dan Seyran Səxavət, Zümrüd Yağmur, Seymur Baycan, NUR Persona Non Qrata, Qaraqan və Murakaminin kitablarını almışam. Bu kitablara 60 manata yaxın pul xərclədim.Türkiyədən isə Elif Şafak və İsgəndər Palanın kitablarını almışdım.
Bahəddin Həziyev – “Bizim yol” qəzetinin baş redaktoru:
- Kitabları AXIRINCI DƏFƏ almamışam, NÖVBƏTİ DƏFƏ almışam.
Əvəz Zeynallı – “Xural” qəzetinin baş redaktoru:
- Axırıncı dəfə xeyli sayda kitab almışam. Kənan Hacının “Yağ kimi”, Pərvizin “Yad dilində” və Seymur Baycanın “Quqark” kitabın almışam. Hal-hazırda “Yad dilində” romanını oxuyuram. Bir də Türkiyədə səs-küy doğuran Əhməd Şıkın “İmamın ordusu” və Hanefi Avcının “Haliçdə yaşayan Simonlar” kitabını təzəlikcə əldə etmişəm.
Afiq Mirzəbəyli – “Reytinq” qəzetinin baş redaktoru:
- Aprel ayı ərzində cəmi bir kitab almışam: Seymur Baycanın “Quqark” kitabın.
Günel Əsgərzadə
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Salamın 60 yaşına — 40 ildən çox gecikmiş, amma vaxtında yazılmış təbrik
10:30
13 avqust 2026
"Kor-koranə heyranlıq tarixin saxtalaşdırılmasına yol açır..."- Etimad Başkeçid
15:45
7 avqust 2026
Eliotla dostluq etdi, Freyd onunla şəxsən tanış olmaq istədi... - Pulitser mükafatlı kölgədə qalan "kosmik şair"
12:00
5 avqust 2026
Pasifist mövqeli Dante aşiqi - Onu niyə "macar modernizminin beyni" adlandırırdılar?
12:30
4 avqust 2026
Eyni yuxunu görən Nəriman Həsənzadə və Şahmar Əkbərzadə - Hansı el şairi ona buta vermişdi?
15:30
1 avqust 2026
"Mütəxəssislərin sözü eşidilmir, ictimai qınaq kar eləmir…" - Bu işə kim əncam çəkəcək?
16:30
31 iyul 2026
