Məşhur ingilis aktyoru, prodüser və rejissor Riçard Attenboro vəfat edib.

Kulis.az-ın BBC News-a istinadən verdiyi xəbərə görə, Attenboro bazar günü uzun sürən xəstəlikdən sonra, 91 yaşının tamamına bir həftə qalmış vəfat edib. Aktyor 2008-ci ildən bəri əlil arabasından istifadə edirdi.

Böyük Britaniyanın baş naziri Devid Kameron verdiyi başsağlığında Attenboronu “görkəmli kino xadimi” adlandıraraq onun ölümündən təəssüfləndiyini bildirib. Aktrisa Mia Ferrou isə Twitter qeydlərində “Riçard Attenboro işləmək şərəfinə nail olduğum ən xeyirxah insan idi” yazıb.

Kinodakı 60 illik fəaliyyəti müddətində Attenboro onlarla filmə çəkilib. Onlardan ən məşhurları “Skala Brayton” (1947), “Böyük qaçış” (1963), “Feniksin uçuşu” və “Yura dövrünün parkı” (1993) filmləridir.

Rejissoru olduğu bioqrafik “Qandi” filmi (1982) 11 “Oskar”a nominant olmuş və səkkiz “Oskar” qazanmışdı. Attenboro “Qızıl Qlobus”, BAFTA, “Berlin”, “San-Sebastyan” kinofestivallarının mükafatçısıdır.

Attenboro 1967-ci ildə Britaniya imperiyasının ordeni ilə təltif olunub, 1976-cı ildə isə cəngavər titulu alıb.

• "Qarabağ FK: 30 mövsüm səfərdə" filmi kinoteatrlarda
• Məşhur musiqiçi vəfat etdi
• "Bütün yazıçılar günahkardır..." - Roman necə yazılmalıdır?