Kulis.Az Əziz Kərimlinin “Balaxanı” fotolentini təqdim edir.
1385-ci ildə usta Arif tərəfindən inşa edilmiş Hacı Şəhlə abidəsi. Bu abidə kvadrat şəkilli tağ-tavanlı kiçik otaqdan və onun qarşısındakı dərin piştağdan ibarətdir. Bina erməni - müsəlman davasında ciddi ziyan görüb.
1427-ci ildə tikilmiş Şarirağa türbəsi memarlıq baxımından Balaxanı abidələrinin ən qiymətlisi hesab olunur. Xalq arasında İmarət adlandırılan bu bina ehtimala görə mehmanxana olub. Abidə günbəzlə salondan və fasaddakı çıxıntılı promoldan ibarətdir. Erməni - müsəlman davası nəticəsində bina müxtəlif tərəflərdən güllə atəşinə tutulub. Həmin güllə izləri binanın üzərində qalmaqdadır.
1636-cı ildə tikilmiş Şah Səfi karvansarayı. Karvansaray İpək Yolunun üstündə olduğundan ozamankı bütün tacirlərin yolu buradan düşüb.
XVII əsrdə tikilmiş ovdan. 7 metr dərinliyi olan bu ovdan Balaxanı sakinləri üçün təmiz sudan istifadə üçün nəzərdə tutulub.
XVIII əsrə aid olan “sandıq” qəbir daşları. O zaman Balaxanıda imkanlı insanlar vəfat etdikdə, ölən insana böyük ölçülü, sandığa bənzər qəbirdən daşlar qoyurdular.
Balaxanı Cümə məscidinin binası isə 1930-cu ildə kənd sakinlərinin vəsaiti hesabına tikilib. Bu günə qədər də fəaliyyətdədir.
Qeyd edək ki, fotoreportaj Azərbaycan Respublikası Prezidenti yanında Gənclər Fondunun maliyyə dəstəyi ilə həyata keçirilən "Bakı kəncləri fotolarda" layihəsi çərçivəsində hazırlanıb.