Dekabrın 7-də Berlində Avropa Kino Akademiyasının mükafatları təqdim olunub. Kulis.az-ın kinonews.ru-ya istinadən verdiyi xəbərə görə mükafatlandırmanın nəticələri gözlənilməz olub: baş mükafat Kann festivalının əsas müsabiqəsində mükafatsız qalan filmə qismət olub- Paolo Sorrentinonun “Möhtəşəm gözəllik” filminə.

Kannın baş mükafatını alan “Adelin həyatı” (Abdullatif Keşiş) filmini isə Avropa kino Akademiyası yekdilliklə iqnor edib.

Paolo Sorrentinonun “Möhtəşəm gözəllik” filmi ən yaxşı Avropa filmi, “Ən yaxşı rejissor”, Toni Servillonun roluna görə isə “Ən yaxşı aktyor” nominasiyalarında qalib olub. Akademiyanın “Ən yaxşı montaj işi”nə görə mükafatını da məhz bu film qazanıb.

“Ən yaxşı aktrisa” nominasiyasını “Bölünmüş dairə” adlı Belçika filmindəki roluna görə Virle Baetens qazanıb. “Ən yaxşı komediya” nominasiyasında Süzan Birin baş rolda Pirs Brosnanın oynadığı “Sənə lazım olan şey sevgidir” filmi olub.

“Ən yaxşı ssenari” nominasiyasında isə ssenari müəllifi Fransua Ozonun olduğu “Evdə” filmi olub.

“Ən yaxşı quruluşçu rəssam” nominasiyasında “Anna Karenina” filmi mükafat alıb. Ulrix Zaydlın “Cənnət. İnam” filmi isə “Ən yaxşı səs operator işi”nə görə qalib olub.

“Dünya kinosuna verdiyi töhfələrə görə” isə rejissor Pedro Almadovar mükafatlandırılıb.

• "Sıçrayış" sənədli filmi nümayiş olunacaq
• Asya Atakişiyeva: “Dedilər ərin başqa qadınla öpüşür, qucaqlaşır” - Müsahibə
• Azərbaycan baleti İtaliya səhnəsində