Köşə yazarları

Online: 70

Seks niyə vacibdir?

Bu günlərdə maraqlı bir yazı oxudum. Rus saytlarının birində xanım müəllif müasir rusların seks həyatının necə çətin olduğundan yazmışdı.

 

Problemin özü bir qırağa, yazı olduqca səmimi, rahat yazılmışdı. Hiss olunurdu ki, xanım müəllif yazını yazmazdan əvvəl bədii-publisistik mənada «muskul» yığmayıb. Sakitcə oturub, öz xalqının seks problemindən normal bir yazı yazıb.

 

O ki qaldı problemə, xanım müəllif rus qadınlarının seksə münasibətini avropalı qadınların eyni konuya yanaşması ilə müqayisə edir, problemləri, çətinlikləri sadalayır, müasir rus insanının get-gedə əks cinsdən uzaqlaşmasından, yadlaşmasından, cinslər arasındakı anlaşılmazlıqların artmağından, sosial şəbəkələrin insanda seksual istəyi azaltmağından yazmışdı. Heç bir vulqar ifadə işlətmədən, yersiz açıq-saçıqlıqdan istifadə etmədən.

 

Bəzi dostlarım bu yazını sosial şəbəkələrdə paylaşdılar. Kimisi yumorla yanaşmışdı, kimi də eyni problemin Azərbaycan variantından danışmışdı. Amma elə ki «top»u orta statistik azərbaycanlılar qəbul elədi, həngamə burda başladı. Qadınlı-kişili hamısı başladı əxlaq dərsi keçməyə. Nəymiş, bu ayıb mövzu imiş, belə şeylər müzakirəyə açıq deyilmiş, bu biabırçılıq imiş. Mənə ən qəribə gələn isə bəzi qadınların yazını paylaşdıqları halda «bəyəm bu belə vacibdir? Bəs 17-18 yaşlı gənclər bu yazını oxuyub, əxlaqları pozulsa nə olacaq?» tipli şərhlər yazmaları oldu.

 

Cem Yılmaz demişkən, mən başa düşə bilmirəm, biz bu seks problemini niyə çözə bilmədik? Ümumiyyətlə, azərbaycanlıların cinsəl münasibətlərə qarşı riyakar, saxta, ikiüzlü, vulqar münasibəti mənə həmişə çox iyrənc görünüb. Bu ölkədə qadınlı-kişili hamı üzdə, adam arasında özünü elə aparır ki, elə bil seks deyilən şey yoxdur. Varsa da kişilər üçündür. Qadının isə nə sekslə məşğul olmaq, nə də bu barədə danışmaq haqqı var. Seksdən açıq danışa bilən qadın o dəqiqə əxlaqsız elan olunur. Onun atası, qardaşı, əmisi oğlu, məhlə uşağı, kirvəsinin oğlu, qonşusu, dayısı – bir sözlə, qeyrət-namus kimi yaraq-yasaqla silahlanmış mütəşəkkil qohum dəstəsi belə qadının ipini yığmaq vəzifəsini öz boynuna götürür.

 

Bu kişiciklərə başa salmaq olmur ki, su içmək, yemək yemək, kürəyi qaşımaq, hava almaq kimi zəruri və normal ehtiyaclardan biri də cinsəl yaxınlıqdı. Burada ayıb, çirkin, iyrənc, vulqar heç nə yoxdur. Vulqar, iyrənc, ayıb, çirkin olan sizin seksə münasibətinizdi. Vaxtında normal, azad, insanca yaşaya bilmədiyiniz üçün, əlinizə imkan düşəndə heyvan kimi, bunu sonralar qəhrəmanlığa çevirmə, öyünmə cəhdinizdi. Cinsi partnyorunuza münasibətinizdi. Onu gözdən salmaq, yaxınlığınızı telefonlara çəkib, internetə yerləşdirmək, bu yaxınlığı o qadının yaxınlarına çatdırmaq və bununla da guya onların üzərində çaldığınız məzlum, düşük «qələbəniz»di.

 

Sizin milli-mənəvi dəyərləriniz, mentalitetiniz insanların cinsəl həyatını elə nəzarətə götürüb ki, siz adam kimi rahat seks həyatı yaşaya bilmirsiz. Valideynlər, qonşular, qohumlar sizi güdür. Mentalitet sizin tələbə yoldaşlarınız olan qızlardan, sevgililərinizdən, nişanlılarınızdan bakirəlik tələb edir. Sevdiyiniz qadınla toysuz, zaqssız, sənədsiz, kağız-kuğuzsuz sevişə bilmirsiz.

 

Azad seksual həyatın olmaması, mentalitetin özünü yengə kimi aparması qızlarımızı daha faciəvi günə salıb. Çoxu ərə gedənə qədər bakirə qalmağa məcburdu. Bəziləri himenoplastikaya əl atır. Bəziləri 30-35 il bakirə qalmağının acığını ərə gedəndən sonra hər şeyin başını buraxmaqla çıxır. Özünü açıb-buraxır. Ərə gedənə qədər isə milli-mənəvi dəyərlərin çılğın müdafiəçisi, tərəfkeşi kimi göstərir. Öz bakirəliyini, bakirə qalma məcburiyyətini var gücü ilə müdafiə edir. Çoxunun başı xarab olur. Əsəbləri pozulur. İnsanlara, hadisələrə qarşı aqressiv olur. Bəziləri dini fanatizmə yuvarlanır. Belə meyllərin səbəbini uzun-uzadı açıqlamağa hacət yox, mən bir qırağa, Freyd özü deyib. Bəziləri öz kasad, yanlış bilgilərinə arxalanaraq, kimya, tibb, fizika, tarix elmləri doktorları ilə  mübahisələrə girişirlər. Qabaqlarına keçənə nələrsə sübut eləməyə çalışırlar. Gərgin, əsəbi, deyingən, həyatdan narazı olurlar.

 

Azad seksin olmamasının ən pis, iyrənc fəsadları özünü bölgələrdə büruzə verir. Mətbuata baxanda adam dəhşətə gəlir: bir rayondan bacı qardaşdan hamilə qalır, birində əmi qardaşı qızını zorlayır, birində qardaş iki bacısını zorlayaraq görüntüləri telefona çəkir, ata qızını, oğul ananı, qayınata gəlinini zorlayır. Bunlar son dövrdə yerli mətbuatda oxuduğum xəbərlərdi.

 

Bu xəbərlər adamı dəhşətə gətirsə də, təəccübləndirmir. Çünki ölkədə azad, sərbəst cinsəl həyatın olmamasının nəticəsi məhz belə olmalıdı.

 

Yazının dabanı

 

Yazını oxuyan namus, qeyrət, ana-bacı keşikçiləri, «ev qızları», «yaxşı oğlanlar» - hamısı yenə tumanlarını atacaqlar başlarına. Deyəcəklər ki, bunlar bir dəstə əxlaqsız, pozğun, düşmən dəyirmanına su tökən yazarlardı. İşləri-peşələri gəncləri yoldan çıxarmaq, onların əxlaqlarını pozmaqdı. Belə ittihamlara çox yox, bircə cümlə cavabım var: telefonlardakı, internetdəki yerli, milli pornolardakı «məktəbli», «kamazlı», «aeroportlu» pornoulduzların heç biri bizim oxucumuz deyil...  

Oxunub

53535 dəfə

Şərh yaz Şərhlərinizdə dini, irqi, milli ayrı-seçkiliyə yol verməməli, insan şərəf və ləyaqətini alçaldan ifadələr işlədilməməlidir. Bu tələblərə cavab verməyən şərhlər yayımlanmayacaq..
Adınız
Email
Kod

Şərhlər ( 65 ədəd )

Pasa Size sualim budur ki, siz dediyiniz kimi Azad sex anlayışı normal qarşılansa, bizim diger milletlerden ferqimiz ne olacaq?
Resad Salam men sizin meqalenizi oxudum.Cox gozel vurgulamisiz.Her sey oldugu kimidi amma menim fikrimce bu sehvdir. Mentalitet bir kenara qalsin, bes insanlig bu ne olsun? Ogul anani, ata qizini zorlayir bu cox iyrencdi.Bu ölkədə azad, sərbəst cinsəl həyatın olmaması bu o, demek deyil ki, ogul anani, ata qizini zorlamadi.
tutu mamedova haalaldi size men bilmezdim ki azerbaycanda duwunceler aciq insanlar var yani tam ferqli fikirlewenler var
Amiran Sizin şərhiniz əlavə edilib. Yoxlanışdan sonra saytda göstəriləcək.
amiran seks azaddi narahat olmayin ama siz qefesdesiniz zaman geler anlayarsiniz..
amiran menim sene bir sualim var dinin nedi?
Cemil Gunel xanim,siz hele sadece azad seksden yazmaqla nece ajataj yaratmisiz.Bu sizin uqurunuzdur.
cemil Sozlerinde heqiqet var,amma bizim cammaata her shey gec chatdiqi kimi bu mesele de gec chatir...
ruhan .seneca demişkən: sevişmək tanrıya açılan pəncərədir... yazı çox gözəldi...və bunun şərhi ancaq belə ola bilər: sevişin, sevişin, sevişin, hər şeyə inat daha da duyğuyla sevişin
davud tamaile duzdur yazdiginiz, tam razi, men wexsen bakireliyi evlilik uchun lazim bilmirem, bravo muasir insan, bilmezdim azerbaycanda bele insanlar movcudur,