writer1

Səhər Əhməd

Məqalə sayı

157
clock14:12 calendar-gray 01 May 2019 view-gray427 dəfə oxunub
view-gray427 dəfə oxunub

Dini fanatizmin zəhərlədiyi şagirdlər

Kulis.az Səhər Əhmədin “Dinə doğru yox, fanatizmə qarşı” yazısını təqdim edir.

Son günlər orta məktəblərdə din dərslərinin keçirilməsi xəbərinə cəmiyyət müxtəlif reaksiya verməkdə davam edir. Və qəribəsi də odu ki, ən çox etiraz edən iki bir-birinə əks olan zümrə ateistlər və ilahiyyatçılardı. Ateistlər təbii olaraq, öz övladlarının dini bilgiylə yüklənməsindən, ilahiyyatçılar isə öz növbəsində dinin yanlış tədris olunmasından narahatdır.

Burda qızıl orta mövqeyini nəzərə alıb hər iki tərəfə izah eləmək lazım gəlir:

1. Orta məktəblərdə ilahiyyat dərslərinin keçirilməsi yox, “Həyat bilgisi” fənninin daxilində dinlərin tarixini öyrənmək təklif olunur.

2. Bu, əgər tədris düzgün keçirilərsə, şagirdləri dinə yönəltməkdən daha çox, fanatizmdən uzaqlaşmağa hesablanıb və ya hesablanmalıdır.

Maddələrin sayını istənilən sayda artırmaq mümkündür, ümumilikdə isə onu deyək ki, dini fanatizm, müxtəlif zərərli təriqətlər onsuz da məktəblərimizə daxil olub, bunun qarşısını almaq üçün şagirdlərə sağlam dini biliklər verilməsi dinin üstündəki qadağa cazibəsini və sehrli pərdəni qaldırmaq deməkdi. Əlbəttə, ailədən düzgün istiqamət almış məktəblilərin buna ehtiyacı olmaya bilər, ona görə də ziyalıların, ateistlərin bu məsələyə münasibəti birmənalıdır.

Lakin söhbət evdən yanlış dini bilgilərlə doldurulmuş, fanatizmin artıq zəhərlədiyi, təriqətlərin qurbanı olmağa hazır olan övladlarımızdan gedir, körpə yaşlarında hicab geyinməyə məcbur edilən, bütün ramazan ayı boyu parta arxasında ac oturan tifillərdən. Onları qorumaq, düzgün yönəltmək üçün hansısa tədbirə çoxdan ehtiyac var, istər bunun adını “elmi ateizm” qoyun, istər “din tarixi”.

Fanatizmə, cəhalətə qarşı gözəl əsərlər yazmış klassiklərimiz dini təhsil almışdılar, amma çağdaş dövrdə din adı altında dəhşətli hadisələr törədənlər dünyəvi təhsil alanlardı.

O, artıq başqa məsələdir ki, bu işin təşkili, dərslik, proqram, kadr məsələsi zərgər dəqiqliyi tələb edir.

Övladına düzgün tərbiyə verməyə intellekti çatan valideynlər, gəlin ancaq öz balalarımızı düşünməyək, öz balalarımızın yaşayacağı toplumu da saflaşdırmağa çalışaq.

Paylaş

REKLAM

Yazarın digər yazıları

Xəbər lenti

Vəfa Fətullayevaya tapılmayan qəbir yeri – 32 illik matəm yazısı
21:00 21 May 2019
Rəsul Rza mükafatı təqdim olundu
18:25 21 May 2019
Varis “Puşkin medalı” ilə təltif olunacaq
17:32 21 May 2019
Bəstəkar Oqtay Kazıminin mahnılarından ibarət konsert olacaq
17:03 21 May 2019
Məşhurlar öz gəncliyi ilə... - Fotolar
16:48 21 May 2019
Onlara 898 min manat məbləğində Prezident mükafatı verilib
16:05 21 May 2019
Milli kinofestival təsis olundu
15:45 21 May 2019
Kventin Tarantino tamaşaçılara məktub yazıb -Mətn
15:11 21 May 2019
Qəşəm Nəcəfzadənin 60 illiyi qeyd olunub
14:22 21 May 2019
Gənc yazar AYB-ni hədələdi: “Əlimdə dəhşətli faktlar var...”
13:45 21 May 2019
Bakıdakı auksionda ən böyük məbləğ bu oldu - Siyahı
13:28 21 May 2019
Orxan Pamukun əsəri Bakıda tamaşaya qoyulub
13:01 21 May 2019
Yuxularda gəzən qızlar - Ramiz Rövşəndən oxumadığınız şeirlər
12:40 21 May 2019
Gənc yazarı AYB-dən qovurlar – Sensasiya
12:19 21 May 2019
Anar Salam Sarvana cavab verdi: “Belə ağıllıdırsa...”
12:04 21 May 2019
Azərbaycan və Türkiyə komikləri bir filmdə
11:47 21 May 2019
“Yazıçılar Birliyi dövlətin ayırdığı pulları havaya sovurur” – Salam Sarvandan qalmaqallı müsahibə
11:32 21 May 2019
Falçının cadu ilə ərə verdiyi biznesmen
11:02 21 May 2019
“Komandir” romanının növbəti təqdimatı olacaq
10:29 21 May 2019
Jurnalisti Kann festivalına buraxmayıblar
10:15 21 May 2019